झाडाच्या छताखाली मजुरांचा संसार 

अंबड : जालना महामार्गालगत असलेल्या चिंचेच्या झाडाखाली राहणारे मजूर.
अंबड : जालना महामार्गालगत असलेल्या चिंचेच्या झाडाखाली राहणारे मजूर.
Updated on

अंबड (जि.जालना) -  मोसंबी तोडणीसह विविध कामासाठी तालुक्यात मध्यप्रदेशातून अनेक मजूर मुलाबाळांसह आलेले आहेत. कोरोनाच्या पार्श्‍वभूमीवर संसर्गाचा प्रादुर्भाव होऊ नये म्हणून लॉकडाऊन सुरू आहे. त्यातच मोसंबी तोडणीची कामे बंद झाल्याने मजूर अडचणीत सापडले आहेत. झाडाच्या छताखाली मजुरांनी संसार थाटलेला आहे. अन्नपाण्याच्या प्रतीक्षेत मुलेबाळे आहेत. 

मध्यप्रदेशातील अनेक मजुर रोजगारांच्या शोधात अंबड शहरात दाखल झालेले आहेत. मात्र कोरोनामुळे संचारबंदी लागू झाली. या मजुरांच्या हाताला मिळणारे मोलमजुरीचे काम बंद झाले आहे. ना राहण्यासाठी निवारा,ना आश्रय. खाण्यासाठी अन्नधान्य नाही. पिण्याच्या पाण्यासाठी दिवसरात्र भटकंती, अशी विदारक अवस्था आहे.

रोजगार मिळविण्यासाठी मोठ्या अपेक्षेने मुलाबाळांसह मजूर कुंटुंब आले खरे मात्र त्यांच्यावर आता आर्थिक संकट कोसळले आहे. रस्त्याच्या कडेला लहान, थोरमंडळी नजरा लावून बसलेले असतात. कोणीतरी पोटाची आग भागविण्यासाठी दोन घास घेऊन येईल याची सतत प्रतीक्षा असते.

रोजगारांच्या शोधात आलेल्या मजुरांना संचारबंदीमुळे आपल्या घराकडे परत जाणे सध्या तरी अशक्यच आहे. त्यात रोजगार नाही. रिकाम्या हाताने किती दिवस बसावे लागणार आहे. याची चिंता आता या मजुरांना दिवसरात्र सतावत आहे. 

परराज्यातील मजूर रोजगाराच्या शोधात अंबड शहर किंवा परिसरात संचार बंदीच्या काळात अडकले असतील तर त्यांचा तात्काळ शोध घेऊन निवास व जेवणाची व्यवस्था प्रशासनाच्या वतीने करण्यात येईल. अशा मजुरांचा शोध घेण्याचा सूचना देण्यात आल्या आहेत. 
- शशिकांत हदगल 
उपविभागीय अधिकारी, अंबड 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com