Dhiraj Deshmukh : आमदार धीरज देशमुख यांना कोरोनाची लागण | Sakal
sakal

बोलून बातमी शोधा

Dhiraj Deshmukh
Latur : आमदार धीरज देशमुख यांना कोरोनाची लागण

Dhiraj Deshmukh : आमदार धीरज देशमुख यांना कोरोनाची लागण

लातूर : राज्यात दररोज कोरोना रुग्णांची संख्या वाढत चालली आहे.राज्याचे वैद्यकीय शिक्षण मंत्री अमित देशमुख (Amit Deshmukh) यांचे बंधू तथा लातूर (Latur) ग्रामीणचे आमदार धीरज देशमुख यांची कोरोना (Corona) चाचणी पाॅझिटिव्ह आली आहे. याबाबत स्वतः देशमुख यांनी ट्विट करुन माहिती दिली आहे. ट्विटमध्ये धीरज देशमुख (Dhiraj Deshmukh) म्हणतात, की माझी कोरोना चाचणी पाॅझिटिव्ह आली असून डाॅक्टरांच्या सल्ल्याने सध्या मी पुढील उपचार घेत आहे. आपल्या सर्वांच्या आशीर्वादामुळे माझी तब्येत चांगली आहे. माझ्या संपर्कात आलेल्यांनी टेस्ट करुन घ्यावी आणि काही लक्षणे असल्यास तातडीने उपचार घ्यावेत, असे आवाहन त्यांनी केले आहे. (Latur Rural MLA Dhiraj Deshmukh Tested Corona Positive)

हेही वाचा: धक्कादायक! मासे पकडण्यासाठी लावलेल्या जाळ्यात तब्बल 50 सापांचा मृत्यू

गेल्या काही दिवसांपासून अनेक राजकीय नेत्यांना कोरोनाची लागण झाली आहे. राष्ट्रवादी काँग्रेस पक्षाच्या खासदार सुप्रिया सुळे, आमदार रोहित पवार, महसूल मंत्री बाळासाहेब थोरात, पकंजा मुंडे आदींना कोरोना झाला आहे. हे सर्व उपचार घेत आहेत. राज्यात कोरोनाचा नवीन व्हेरिएंट ओमिक्राॅनच्या रुग्णांची संख्या वाढत चालली आहे. दुसरीकडे मुंबई व ठाणे येथील शाळा बंद करण्याचा निर्णय घेण्यात आला आहे. अनेक राजकीय नेत्यांच्या घरी विवाह सोहळे पार पडले. सोहळ्याला हजेरी लावणाऱ्यांनाही कोरोना झाला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Dhiraj Deshmukh
loading image
go to top