Marathwada Corona Update : ८७३ कोरोनाग्रस्त | Sakal
sakal

बोलून बातमी शोधा

Corona and Omicron Update
Marathwada Corona Update : ८७३ कोरोनाग्रस्त

Marathwada Corona Update : ८७३ कोरोनाग्रस्त

औरंगाबाद : मराठवाड्यात कोरोना (Marathwada Corona) रुग्णसंख्या झपाट्याने वाढत असून सोमवारी (ता. १०) दिवसभरात ८७३ जणांना संसर्गाची लागण झाली. रविवारी (ता. ९) दिवसभरात ६२९ रुग्ण आढळले होते.

औरंगाबाद महापालिका (Aurangabad Municipal Corporation) क्षेत्रात २७६ तर ग्रामीण भागात ४१ रुग्ण आढळले. जिल्ह्यातील रुग्णांची संख्या एक लाख ५१ हजार १८३ वर पोचली आहे. १ हजार १४१ जणांवर उपचार सुरू आहेत. आणखी ३२ रुग्ण बरे झाले. त्यात शहरातील २८ जणांचा समावेश आहे. आजपर्यंत एक लाख ४६ हजार ३८४ रुग्ण बरे झाले आहेत. आतापर्यंत तीन हजार ६५८ जणांचा मृत्यू झाला आहे. (Corona and Omicron Update Latest News)

हेही वाचा: शंकराचार्यांच्या मूर्तीसाठी 2 हजार कोटींचा करणार खर्च MP सरकार

जालन्यात ३७ रुग्ण

जालना जिल्ह्यात ३७ जण कोरोनाबाधित आढळले. रुग्णसंख्या ६२ हजार ३१० असून ६० हजार ९४७ रुग्ण बरे झाले आहेत. १६१ जणांवर उपचार सुरू आहेत. आतापर्यंत एक हजार २०२ जणांचा कोरोनाने बळी घेतला आहे.

लातुरमध्ये संख्या वाढतीच

लातूर जिल्ह्यात रुग्णसंख्या दिवसेंदिवस वाढत आहे. रविवारी (ता. नऊ) १५५ नवे रुग्ण समोर आले. पॉझिटिव्हीटी रेट आता ८.४ टक्के झाला आहे. काल एक हजार ९० आरटीपीसीआर चाचणीतून ८० तर ७४८ ॲन्टीजेन चाचणीतून ७५ जण पॉझिटिव्ह आले. रुग्णसंख्या ९३ हजार ५६२ वर पोचली असून ९० हजार ५६८ रुग्ण बरे झाले आहेत. ५४० जणांवर उपचार सुरु आहेत. आतापर्यंत दोन हजार ४५४ जणांचा मृत्यू झाला आहे.

हेही वाचा: नाशिक महापालिका निवडणुकीत महाविकास आघाडीचे संकेत - छगन भुजबळ

नांदेडमध्ये १६४ बाधित

नांदेड जिल्ह्यात १६४ जण कोरोनाबाधित आढळले. रुग्णसंख्या ९१ हजार १४५ वर पोचली आहे. ८७ हजार ९४७ रुग्ण बरे झाले आहेत. सध्या ५४४ जणांवर उपचार सुरु आहेत. आतापर्यंत दोन हजार ६५५ जणांचा मृत्यू झाला आहे.

परभणीत ६८ रुग्ण

परभणी जिल्ह्यात ६८ जण कोरोनाबाधित आढळले. रुग्णसंख्या ५१ हजार ७८३ असून ५० हजार २१२ रुग्ण बरे झाले आहेत. सध्या २७२ जणांवर उपचार सुरु आहेत. आतापर्यंत एक हजार २९९ जणांचा मृत्यू झाला आहे. दरम्यान, हिंगोली जिल्ह्यात बारा रुग्ण आढळले. सध्या ४७ जणांवर उपचार सुरू आहेत. रुग्णसंख्या १६ हजार १२१ असून १५ हजार ६७८ रुग्ण बरे झाले आहेत.

अशी रुग्णवाढ

औरंगाबाद ३१७, नांदेड १६४, लातूर १५५, उस्मानाबाद १०४, परभणी ६८, जालना ३७, बीड १६, हिंगोली १२

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top