Jalna Riot : जालन्यात दंगल, एक जण गंभीर जखमी; परिस्थिती नियंत्रणात

पोलिसांनी परिस्थिती नियंत्रणात आणली असून बाजारपेठ पुन्हा सुरू झाली आहे.संशयित आरोपींचा पोलिस शोध घेत आहेत.
Jalna Riot News
Jalna Riot Newsesakal

जालना : शहरातील टांगा स्टँड येथे मंगळवारी (ता.चार) जुन्या वादातून झालेल्या मारहाणीला दंगलीचे स्वरूप प्राप्त झाले. यात एक जण गंभीर जखमी झाला असून त्याच्यावर औरंगाबाद येथील खासगी रुग्णालयात उपचार सुरू आहेत. दरम्यान पोलिस प्रशासनाने तत्काळ घटनास्थळी धाव घेऊन परिस्थिती आटोक्यात आणल्याने सकाळी साडेअकरा वाजेच्या सुमारास बाजारपेठा पुन्हा सुरू झाली आहे. शहरातील (Jalna) टांगा स्टँड येथे सकाळ दोन जणांमध्ये जुन्या कारणावरून वाद झाला. या वादाचे रूपांतर दंगलीत (Riot In Jalna) झाले. दोन समाजचे काही जण एकत्र येऊन हातामध्ये धारदार शस्त्र घेऊन फिरत होते. (Riot In Jalna, One Serious Injured, Situation Under Control)

Jalna Riot News
Dhiraj Deshmukh : आमदार धीरज देशमुख यांना कोरोनाची लागण

दरम्यान या मारहाणीत फरदीन शेख हा गंभीर जखमी झाला असून त्याच्यावर औरंगाबाद (Aurangabad) येथील खासगी रुग्णालयात दाखल उपचार सुरू आहेत, अशी माहिती पोलिसांनी दिली आहे. दरम्यान या घटनेची माहिती मिळाल्यानंतर पोलिसांनी तत्काळ घटनास्थळी धाव घेतली. अपर पोलिस अधीक्षक विक्रांत देशमुख, पोलिस उपविभागीय अधिकारी नीरज राजगुरू, स्थानिक गुन्हे शाखेचे पोलिस निरीक्षक सुभाष भुजंग, सदर बाजार प्रभारी अधिकारी सहायक पोलिस निरीक्षक ज्ञानेश्वर पायघन, वाहतूक शाखेचे पोलिस निरीक्षक एम. ए. सय्यद, कदीम जालना पोलिस ठाण्याचे सहायक पोलिस निरीक्षक महेश टाक व इतर पोलिस अधिकारी कर्मचारी घटनास्थळी दाखल झाले.

Jalna Riot News
इथे ओमिक्राॅन नाही का? मास्क कोण घालणार : एकनाथ शिंदे

पोलिसांनी परिस्थिती नियंत्रणात आणली असून बाजारपेठ पुन्हा सुरू झाली आहे. दरम्यान संशयित आरोपींचा पोलिस शोध घेत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com