- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
उमरगा : मागच्या अडीच महिन्यात आढळून आलेल्या सतरा पॉझिटिव्ह रुग्णांपैकी एका जेष्ठ नागरिकाचा मृत्यू झाला होता. तर सोळा जण कोरोनामूक्त झाले होते. मात्र गेल्या पंधरा दिवसात कोरोनाचा कहर झाल्याने रुग्णसंख्येत वाढ झाली असून ती संख्या ५६ वर पोहचली आहे. दरम्यान शुक्रवारी (ता.१०) मध्यरात्री आलेल्या अहवालात शहरातील एक खाजगी डॉक्टर्ससह तिघांचे अहवाल पॉझिटीव्ह आले आहेत.
शहर व तालुक्यात कोरोना संसर्गामुळे वाढत्या रुग्णसंख्येमुळे नागरिकांत चिंतेचे वातावरण आहे. आठ व नऊ तारखेला पाठवण्यात आलेल्या पंधरा स्वॅबचा अहवाल शुक्रवारी (ता.१०) दुपारी प्राप्त झाला, त्यात १४ जण निगेटिव्ह आले तर उपजिल्हा रुग्णालयातील एक महिला कर्मचारी पॉझिटिव्ह आली आहे.
खाजगी डॉक्टराचा अहवाल पॉझिटिव्ह
शुक्रवारी मध्यरात्री आलेल्या अहवालात सतरा पैकी चार पॉझिटिव्ह आले आहेत. त्यात पहिल्यांदाच एका खाजगी डॉक्टरचा अहवाल पॉझिटिव्ह आला आहे, परिचारिकेचा एक मुलगा, कुंभारपट्टी भागातील एक सेवानिवृत्त शिक्षक तर मुरुमचा एक चहावाल्याचा समावेश आहे. तो मुरुम शहरातील पहिला रुग्ण आहे. दरम्यान परिचारिकेचा पती पहिल्यांदा पॉझिटिव्ह आला होता आता मुलासह एकाच घरातील तिघे पॉझिटिव्ह आले आहेत. उपविभागीय अधिकारी विठ्ठल उदमले यांनी काढलेल्या आदेशानुसार शहरातील खाजगी डॉक्टर्सचा रूग्णालय परिसर, कुंभारपट्टी भाग तर मुरूमच्या चहावाल्याचा रहिवाशी भाग, प्रतिबंधित क्षेत्र म्हणून घोषित करण्यात आले असून हा भाग शनिवारी (ता.११) सील करण्यात आला आहे.
आत्तापर्यंत झाली ७४ रुग्ण संख्या
उमरगा शहर व तालुक्यात कोरोनाचा संसर्ग सुरू झाल्यापासून आत्तापर्यंत ७४ रूग्ण संख्या झाली आहे. त्यात गेल्या पंधरा दिवसात तब्बल ५६ रुग्ण पॉझिटिव्ह आले असून दोघांचा मृत्यू झाला आहे. उमरगा शहरातील रुग्ण संख्या ३४ झाली असून संसर्ग वाढत असल्याने शहरवासिय कमालिच्या दडपणाखाली आहेत.
औषध विक्रेत्याचा मृत्यू
शुक्रवारी दुपारी उपजिल्हा रुग्णालयात एका औषधी विक्रेत्याचा उपचारादरम्यान मृत्यू झाला असून त्याचा मृत्यू नेमका कोणत्या आजाराने झाला याची अधिकृत माहिती स्वॅबचा अहवाल प्राप्त झाल्यानंतर समजणार आहे. गेल्या अनेक वर्षापासून गोर- गरिबांसाठी साध्या आजारावर औषधे देऊन आजार बरा करणारा एक औषध विक्रेता म्हणुन त्याची ओळख होती मात्र त्याच्या पार्थिवावर कोविड नियमांनुसार आरोग्य कर्मचारी व पालिका कर्मचाऱ्यांच्या उपस्थितीत अंत्यसंस्कार करण्याची वेळ आली.
संपादन : प्रताप अवचार
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.