Good News : उमरग्यात दोन हजार कुटुंबाना मिळणार हक्काचे घर

उमरगा (जि.उस्मानाबाद) : ग्रामीण भागातील अनुसूचित जाती व नवबौद्ध घटकातील लाभार्थ्यांचे रमाई आवास योजनेतून घर बांधकामाचे तब्बल दोन हजार ४५ प्रस्ताव मंजूर झाले आहेत. दरम्यान गेल्या पाच-सहा वर्षातील प्रस्ताव मंजूर झालेला हा सर्वात मोठा आकडा आहे.

पाच वेळा अपयश आलं; तरीही पठ्ठ्याने जिद्दीने कलेक्टरच स्वप्न साकारलं  

रमाई आवास योजनेतून ग्रामीण भागात अनेक मागासवर्गीय लोकांना घरासाठी यापूर्वी अनुदान प्राप्त होऊन घराचे स्वप्न पूर्ण झाले आहे. मात्र बहुतांश लाभार्थ्यांचे प्रस्ताव प्रतिक्षा यादीत लटकले होते. जिल्हा परिषदेचे विरोधी पक्षनेते शरण बसवराज पाटील यांनी सामाजिक न्याय व विकास सहाय्य विभागाकडे प्रस्ताव मंजुरीसाठी सातत्याने पाठपुरावा केला. पंचायत समितीचे सभापती सचिन पाटील यांचेही प्रस्ताव मंजुरीसाठी प्रयत्न होते.

राष्ट्रीयकृत बँका निवृत्ती वेतनधारकांना देणार घरपोच सेवा  

त्याला यश प्राप्त झाले असून जिल्ह्यासाठी मंजूर झालेल्या दोन हजार ८३० प्रस्तावापैकी उमरगा तालुक्यासाठी दोन हजार ४५ घरकुलाचे प्रस्ताव मंजूर झाले आहेत. याचा लाभ मागासवर्गीय कुटुंबांना मिळण्याचा मार्ग मोकळा झाला आहे. राज्य सरकारच्या सामाजिक न्याय व विकास सहाय्य विभागामार्फत एका घरकुलासाठी एक लाख वीस हजार अनुदान आहे.

लाखोंचे पॅकेज नाकारुन अंकिताने देशसेवेसाठी ‘यूपीएससी’त मिळविले यश  

अठरा हजारापर्यंतची रक्कम रोजगार हमी योजनेतून मिळते तर स्वच्छ भारत अभियानातून बारा हजाराचा निधी असे एकुण दीड लाख रुपये मिळतात. दरम्यान तीन कोटी ६७ लाख पन्नास हजाराचा निधी या कामासाठी मिळणार असून सातत्याने पाठपुरावा केल्याने घरकुलाचे सर्व प्रस्ताव मंजूर झाले असे सभापती श्री. पाटील यांनी सांगीतले.

संपादन-प्रताप अवचार