corona death.jpg
corona death.jpg

बीड : क्वारंटाईन कक्षात तरुणाची आत्महत्या; तर तीन कोरोनाबाधितांचा मृत्यू 

बीड : क्वारंटाईन सेंटरमध्ये असलेल्या आणि स्वब घेतलेल्या ३५ वर्षीय तरुणाने गळफास लावून आत्महत्या केल्याची घटना गेवराई येथे घडली. तुकाराम जगन्नाथ जाधव (वय ३५, रा बाबूलतारा तांडा, ता गेवराई) असे आत्महत्या केलेल्या तरुणाचे नाव आहे. 

पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले  

कोरोनाची काही लक्षणे असल्याने त्याला शुक्रवारी (ता.९) गेवराई पालिकेच्या शासकीय क्वारंटाईन सेंटर मध्ये दाखल केले होते. त्यानंतर त्याचा स्वब घेतला. त्याचा अहवाल येण्याअगोदर या तरुणाने खोलीतील पंख्याला गळफास लावून आत्महत्या केली. कर्मचाऱ्यांनी माहिती दिल्यानंतर डॉ. मुकेश कुचेरीया यांनी पाहणी करून पोलिसांना कळविले. त्यानंतर पोलीस निरीक्षक पुरुषोत्तम चोबे पथकासह दाखल झाले. 

बीड जिल्ह्यातील कोरोनाच्या एकुण रुग्णांचा दोनशेपार गेला आहे.  तर उपचार सुरु असलेल्या रुग्णांचा आकडा देखील शंभरीच्या उंबरठ्यावर आहे. त्यातच मागच्या ४८ तासात ३ कोरोनाग्रस्तांचा बळी गेला आहे. पाटोदा तालुक्यातील येवलवाडी व बेनसुर या गावातील प्रत्येकी एक पुणे येथील रुग्णालयात उपचारादरम्यान मृत्यू झाला. तर गेवराई तालुक्यातील उमापुरच्या रुग्णाचा बीडच्या जिल्हा रुग्णालयात बळी गेला. या विविध आजार होते. अशी माहिती आरोग्य प्रशासनाने दिली आहे.

दरम्यान चकलांबा येथील एका तरुणाला क्वारंटाईन करण्यात आले होते. शनिवारी सायंकाळी उशीरा त्याने कोरोनाच्या भितीने क्वारंटाईन सेंटरमध्ये आत्महत्या केली. यापूर्वी बीड तालुक्यात एका तरुणाने कोरोनाच्या भीतीने आत्महत्या केली होती. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com