Abhishek Ghosalkar Firing: अभिषेक घोसाळकरांवर गोळ्या झाडणाऱ्या मॉरिस नोरोन्हाचा मृत्यू; कोण आहे मॉरिसभाई?

Who Is Mauris Noronha: अभिषेक घोसाळकर यांच्यावर गोळ्या झाडल्याचा आरोप असलेल्या मॉरिस नोरोन्हा याचा मृतदेह रुग्णालयात आणण्यात आला. त्याने आत्महत्या करण्यापूर्वी घोसाळकर यांच्यावर गोळ्या झाडल्याचा आरोप आहे आणि ते सर्व फेसबुक लाईव्ह स्ट्रीम केले आहे.

(Abhishek Ghosalkar UBT shivsena leader attacked)

दहिसर परिसर आज गोळीबाराने हादरला आहे. ठाकरे गटाचे माजी नगरसेवक अभिषेक घोसाळकर यांच्यावर ५ गोळ्या झाडण्यात आल्या. त्यांच्यावर उपचार सुरु आहेत. तर गोळ्या झाळणारा मॉरिस भाई याने देखील स्वत:वर गोळी झाडत आत्महत्या केली. गोळीबाराचा थरारा फेसबुक लाईव्हमध्ये दिसला आहे. आपआपसातील वादातून गोळीबार झाल्याची प्राथमिक माहिती पोलिसांनी दिली आहे.

कोण आहे मॉरीस ?

मॉरीस हा स्वताला समाजसेवक म्हणवून घेतो. बोरीवलीत राहणाऱ्या मॉरीसला मॉरीसभाई या नावाने ओळखले जाते. लॉकडाऊन काळात मॉरीसने हजारोंना रेशन वाटल्याचे काम केल्याच्या काही बातम्या वेबसाईटवर आल्या आहेत. या काळात जनजागृतीसाठी बोरीवली ते वांद्रे इथे मॉरीसने पदयात्रा केल्याचे वेबसाईटच्या बातम्यांवरुन कळते. खान यांची गुन्हेगारी पार्श्वभूमी असल्याचे सांगीतले जाते. अभिषेक घोसाळकर यांची नुकतीच मॉरीस सोबत परिचय झाला होता.दोघामध्ये काही कारणावरुन वाद झाला होता. मात्र हा वाद नेमका काय होता, ते अजून स्पष्ट होत नाही.

शिवसेना नेते अभिषेक घोसाळकर यांच्यावर गोळीबार झाल्याचे समोर आले आहे. ५ वाजता मातोश्रीवर ते बैठक करुन गेले होते.लोकांमधील कायद्याची भितीच निघून गेली आहे.

आदित्य ठाकरे, उबाठा नेते.