बाप रे ! तब्बल 73 वर्षांनी 'या' गावची पाण्यासाठीची वणवण थांबली

सकाळ वृत्तसेवा
Tuesday, 26 May 2020

या यशाचा सर्वाधिक आनंद गेली कित्येक वर्ष पाणी डोक्यावरून आणणाऱ्या महिलांना झाला आहे. घराघरत नळाद्वारे मिळणारे पाणी सोलर सिस्टीमव्दारे मिळणार असून पारंपरीक ऊर्जा स्त्रोतांचा वापर करून लाइट बिल कमी कसे राहील, याकडेही लक्ष देण्यात आले आहे.

तळा : तळा तालुक्यातील सोलमवाडी गावात स्वातंत्र्य मिळाल्यानंतर अर्थात तब्बल 73 वर्षांच्या प्रदीर्घ कालखंडानंतर घराघरात नळाद्वारे पाणी आले आहे. स्वदेस फाऊंडेशन व लोकसहभागातून हा पाणी पुरवठा सुरू झाल्याने सोलमवाडीतील डोक्यावरून हंडा घेऊन पाण्यासाठी वणवण करणाऱ्या महिलांची पायपीट थांबली आहे. त्यामुळे येथील अबालवृद्धांनी आनंद व्यक्त केला आहे.

मोठी बातमी : थरकाप उडवणारा फोटो : KEM रुग्णालयातील शवागृह भरलं, मृतदेह ठेवलेत चक्क 'इथे'...

तळा तालुक्यातील सोलमवाडी गावातील महिलांना वर्षानुवर्ष नदीवरील बोअरवेलचे पाणी डोक्यावर आणावे लागत होते. स्वदेस फाऊंडेशनच्या माध्यमातून आणि लोकवर्गणीतून सोलर सिस्टीमच्या साहाय्याने हे प्रत्यक्षात उतरले आहे. त्यासाठी ग्रामस्थांनी मोलाचे सहकार्य केले असून त्यामुळेच नागरिकांच्या मनात असलेली कल्पना अस्तित्वात आली. या यशाबद्दल सर्वांनी आनंद व्यक्त केला आहे.

महत्वाची बातमी : संजय राऊतांचं खळबळजनक ट्विट, महाराष्ट्रातील सरकारबाबत केलं 'मोठं' भाष्य...

सोशल डिस्टन्सिंग पाळत उदघाटन
कोरोना विषाणूमुळे या कार्यक्रमाला मोठे स्वरुप देता आले नाही. परंतु स्वदेस फाऊंडेशनचे समन्वयक महेश पांचाळ यांच्या उपस्थितीत ग्रामस्थ, मुंबईचे पदाधिकारी यांनी साधेपणाने सदरचा पाणी प्रकल्पाचा शुभारंभ केला. यावेळी उपस्थित नागरिकांनी सामाजिक अंतर नियमाचे पालन केले.

नक्की वाचा : एसटी कामगारांची इम्युनिटी वाढवण्यासाठी 'हे' औषध द्या..महाराष्ट्र एसटी कामगार सेनेनं केली मागणी    

पारंपरीक ऊर्जा स्त्रोतांचा वापर
या यशाचा सर्वाधिक आनंद गेली कित्येक वर्ष पाणी डोक्यावरून आणणाऱ्या महिलांना झाला आहे. घराघरत नळाद्वारे मिळणारे पाणी सोलर सिस्टीमव्दारे मिळणार असून पारंपरीक ऊर्जा स्त्रोतांचा वापर करून लाइट बिल कमी कसे राहील, याकडेही लक्ष देण्यात आले आहे.

After 73 years, the village's stopped water crisis


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: After 73 years, the village's stopped water crisis