ठाणे : मुंबईपाठोपाठ ठाणे महापालिका प्रशासनानेही 15 ऑगस्टपासून शहरातील दुकाने दररोज खुली ठेवण्यास परवानगी दिली होती. पालकमंत्री एकनाथ शिंदे यांच्यासोबत ठाण्यातील व्यापारी संघटनेची बैठक झाल्यानंतर पालकमंत्री शिंदे यांनी पालिका प्रशासनाला दुकाने सुरु करण्याची परवानगी देण्याचे आदेश दिले होते. जिल्ह्यातील एका शहराला परवानगी मिळते, मग दुसऱ्या शहराला का नाही असा सवाल कल्याण डोंबिवलीतील व्यापारी उपस्थित करत होते.
मुंबई, ठाण्यातील व्यापाऱ्यांना दिलासा मिळतो, मग कल्याण डोंबिवलीतील व्यापाऱ्यांना का नाही याविषयीचे वृत्त दै. सकाळने मंगळवारी प्रसिद्ध केले होते. या वृत्ताची दखल घेत व्यापाऱ्यांचा विचार पालिका प्रशासनाने करीत कल्याण डोंबिवलीतील व्यापाऱ्यांनाही आठवड्यातील सातही दिवस प्रतिबंधित क्षेत्र वगळून दुकाने सुरु ठेवण्यास परवानगी दिली आहे. शहरातील सर्व दुकाने बुधवारपासून (ता. 19) दररोज सकाळी 9 ते सायंकाळी 7 या वेळेत नियमितपणे सुरु होणार असल्याने ठाणे पाठोपाठ आता कल्याण-डोंबिवलीतील व्यापाऱ्यांनाही दिलासा मिळणार आहे.
जुलै महिन्यापासून कल्याण-डोंबिवलीत व्यापारी संघटनाही शहरातील दुकाने दररोज सकाळी 9 ते सायंकाळी 7 या वेळेत सुरु ठेवण्यास परवानगी देण्याबाबत मागणी करत होते. याविषयी दै. सकाळने मंगळवारी (ता. 18) वृत्त प्रकाशित केले होते. या वृत्ताची दखल घेत पालिका प्रशासनाने मंगळवारी पालिका आयुक्त डॉ. विजय सूर्यवंशी यांनी कल्याण डोंबिवलीतील प्रतिबंधित क्षेत्र वगळता इतर भागातील दुकानेही बुधवारपासून (ता. 19) दररोज खुली राहतील, अशी परवानगी दिली.
मॉल्स, मार्केट कॉम्प्लेक्स, भाजी मार्केट, जीम व स्विमिंगपूल यांना मात्र अद्याप परवानगी देण्यात आलेली नाही. तरी कोरोनाच्या पार्श्वभूमीवर योग्य काळजी घेण्याची जबाबदारी व्यापाऱ्यांवर सोपविण्यात आली आहे. शिवाय दुकानातील कर्मचाऱ्यांची कोरोना तपासणी करण्याची सूचना देखील करण्यात आली आहे. सुरक्षित अंतर राखून व्यवसाय करण्याविषयी आस्थापनांना सूचना देण्यात आल्या आहेत.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.