मुंबई : अकरावीची प्रवेश प्रक्रिया सुकर करण्यासाठी लवकरच राज्य शिक्षण विभागाकडून एक अॅप सुरु करण्यात येणार आहे. कोरोना महामारी आणि त्यामुळे आलेल्या लॉकडाऊनमध्ये प्रवेश सुलभ होण्यासाठी हा निर्णय झाला आहे. प्रवेशाच्यावेळी महाविद्यालयात होणारी गर्दी कमी करण्यासाठी विविध उपाय करण्यात येणार आहेत.
महाविद्यालयांनी अकरावीचे प्रवेश तात्पुरत्या स्वरुपाचे देण्यात ठरवले आहे. त्यामुळे प्रवेशाचे शुल्कही ऑनलाईन भरण्याची सुविधा करण्यात आली असल्याचे वृत्त आहे. महाविद्यालये खुली झाल्यावर विद्यार्थ्यांनी ऑनलाईन भरलेल्या कागदपत्राची मूळ प्रत त्यांना महाविद्यालयात दाखवणे बंधनकारक असेल. त्यानंतरच त्यांचा प्रवेश निश्चित होणार आहे. मुंबई महानगर क्षेत्रातील प्रवेशाचा पहिला भाग 1 ऑगस्टपासून भरता येणार आहे. त्यासाठीची सर्व माहीती https://mumbai.11thadmission.org.in या संकेतस्थळावर उपलब्ध आहे.
अद्याप दहावीच्या निकालाची तारीख जाहीर झालेली नाही, मात्र हा निकाल या महिन्याच्या अखेरपर्यंत अपेक्षित आहे. आगामी 2020-21 या शैक्षणिक वर्षात मुंबई महानगर क्षेत्रातील 819 महाविद्यालयात 3 लाख 19 हजार विद्यार्थ्यांना प्रवेश मिळू शकेल. कोरोना महामारीमुळे विद्यार्थ्यांना प्रवेशासाठी महाविद्यालयात जाता येणार नाही. त्यामुळे प्रवेश प्रक्रिया ऑनलाईन करण्याचे ठरले आहे. त्यामुळे कोणाचाही एकमेकांशी संपर्क होणार नाही. विद्यार्थी प्रवेशाचा फॉर्म ऑनलाईन भरु शकतील तसेच त्यांना संकेतस्थळावर सर्व कागदपत्रे अपलोडही करता येतील, असे मंडळाच्या मुंबई विभागाचे उपसंचालक राजेंद्र अहिरे यांनी सांगितले.
अकरावीच्या प्रवेशासाठी विद्यार्थ्यांना माहीती पुस्तिका यापूर्वी दिली जात असे. तेही आता ऑनलाईन उपलब्ध असणार आहे. त्याचबरोबर विद्यार्थ्यांना फॉर्म भरण्याची सवय होण्यासाठी सरावाचा फॉर्मही उपलब्ध करुन दिला जाणार आहे. आत्तापर्यंत सव्वालाख विद्यार्थ्यांनी हा फॉर्म भरला आहे. दरम्यान, विविध आरक्षित गटाअंतर्गत फॉर्म भरणाऱ्या विद्यार्थ्यांसाठी त्यांच्या शाळेतून मदत घेता येणार आहे. ही मदत दूरध्वनीवरुनही उपलब्ध होईल, त्यासाठी हेल्प डेस्क सुरु करण्यात येणार आहे. मुंबई तसेच महाराष्ट्राबाहेरील विद्यार्थ्यांना प्रवेशाच्यावेळी येणारे प्रश्न ऑनलाईन सोडवण्याची सुविधा देण्यात आली आहे. तेही ऑनलाईन अर्ज भरु शकतील.
----
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.