मुंबई : एकीकडे कोरोना विषाणूच्या संसर्गाने राज्यात चिंताग्रस्त वातावरण असताना रेल्वेचे कोरोना वॉरीयर्स मात्र आपली कामगिरी चोखपणे बजावत आहेत. रविवारी मध्य रेल्वेच्या कोरोना वॉरियर्सने मेगाब्लॉक दरम्यान ठाणे ते कल्याण जलद मार्गावर आणि तसेच हार्बर मार्गावरील छत्रपती शिवाजी महाराज टर्मिनस-चुनाभट्टी दरम्यान विविध देखभाल दुरुस्तीची कामे पूर्ण केली आहे.
मध्य रेल्वे मार्गावर ठाणे -कल्याण जलद मार्गावर रविवारी देखभाल दुरूस्तीसाठी मेगा ब्लॉक घेण्यात आला होता. या दरम्यान पारसिक बोगद्याजवळील 2.6 ट्रॅक किमी.चे नूतनीकरण, तसेच नवीन इनोव्हेटेड एमएचएम मशीन (रेल रोड वाहन) द्वारे क्रॉसिंग ओव्हरच्या 28 स्लीपर्स बदलण्याचे काम करण्यात आले. 1.4 किमी. साध्या ट्रॅकचे बॅलॅस्ट टॅम्पिंगही करण्यात आले. रूळ जोडण्यासाठी 16 ठिकाणी एल्युमिनो-थर्मिक वेल्डिंग देखील करण्यात आली.
हार्बर मार्गावर जेसीबी मशीनद्वारे 6 वॅगन घाण काढली आणि 2 हजार घाणीच्या बॅग्स इंजिनियरिंग वॉरियर्सद्वारे स्वतः लोड केल्या. याशिवाय तीन टॉवर वॅगनद्वारे 1.3 किमी लांबीचे ओएचई आणि 3 ओव्हरलॅपींगचे वार्षिक ओव्हरहाऊलिंग केले गेले. या व्यतिरिक्त विद्युत योद्धांद्वारे ओएचई देखभालची इतर कामे केली गेली.
दिवा आणि दातिवली दरम्यान कॉर्ड लाईनवर अभियांत्रिकी कामांच्या अनुषंगाने 2.6 किमी लांबीच्या ट्रॅकवर ड्युमॅटीक मशीन पॅकींग, ट्रॅक लीड वायर्स आणि पॉईंट्सचे दोन सेट्स बदलण्याचे काम आणि ॲक्सल काउंटरचे डिसकनेक्ट करून पुन्हा जोडण्याचे काम सिग्नल आणि टेलिकम्युनिकेशन वॉरियर्सनी पूर्ण केले.
---
संपादन : ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.