आरोग्यसेविकांचा जीव धोक्यात! मास्क, संरक्षक किट, हॅन्डग्लोजशिवाय घरोघरी जाऊन शोधत आहेत रुग्ण...

आरोग्यसेविकांचा जीव धोक्यात! मास्क, संरक्षक किट, हॅन्डग्लोजशिवाय घरोघरी जाऊन शोधत आहेत रुग्ण...
Updated on

मुंबई : घरोघरी जाऊन कोरोनाचे आणि संसर्गजन्य आजाराचे रुग्ण शोधावे लागत आहेत. आम्हाला मास्क, संरक्षक किट, हॅन्डग्लोज या कोणत्याही सोयी सुविधा मिळत नाहीत. आमच्या मानधन वाढीचा निर्णय झाला मात्र ते ही मिळालेले नाही, अशा स्थितीत कसे काम करायचे?, भीती वाटतेय, तरीही काम करत आहोत, अशी कैफियत आरोग्य सेविका मांडत आहेत. 

दोन आरोग्य सेविकांना कोरोनाची बाधा झाल्याच्या पार्श्वभूमीवर घाटकोपरमध्ये आरोग्य सेविका म्हणून काम करणाऱ्या सुषमा माने यांनी अडचणींचा पाढाच वाचला. त्या म्हणाल्या, कोरोना वाढू नये यासाठी इमारती, चाळी, झोपडया, पिंजून काढल्या लागत आहेत. सध्या आमचा, आरोग्य सेविकांचा लोकांशी थेट संबंध येतोय. कोरोनाचे धोकादायक वातावरण सर्वत्र असताना आम्ही जीव धोक्यात घालून काम करीत आहेत. आम्हाला सुरक्षेच्या कोणत्याही सुविधा नाहीत. आमच्या मार्फत कोरोनाचे सर्वेक्षण सुरु आहे. थेट लोकांशी संबंध येत असल्याने आम्हाला कोरोना होण्याचा धोका अधिक असल्याची भीती त्यांनी व्यक्त केली. 

आठ हजार रुपयांचे मानधन देण्यास मंजुरी देवूनही पालिकेने आम्हाला वाढीव मानधनापासून वंचित ठेवले आहे. तरीही संकटाच्यावेळी महापालिकेच्या आरोग्य सेविका धोका पत्करत रस्त्यावर उतरुन काम करीत आहेत. आम्हाला आरोग्य प्रोत्साहन मानधन म्हणून ५ हजार रुपये देण्यात येणार आहे. त्यामुळे कोरोनाच्या कालावधीत आरोग्य सेविकांना मानधनाची रक्कम दुप्पट रक्कम कधी मिळणार असा सवालही त्यांनी केला. 
मुंबईतील २०८ आरोग्य केंद्रामध्ये सध्या एकूण ३७०० आरोग्य सेविका कार्यरत आहेत. त्यांना  पालिका ५ हजार रुपये मानधन देते.  मात्र, या मानधनात वाढ करण्याबरोबरच आपल्या विविध मागण्यांसाठी सप्टेंबर २०१९मध्ये आरोग्य सेविकांनी आंदोलन केले होते. त्यानुसार प्रशासनाने त्यांना अडीच हजार रुपये वाढ देण्याचा प्रस्ताव तयार करून ७ हजार ५०० एवढे मानधन देण्याची तयारी दर्शवली. त्यानंतर महापालिकेने हे मानधन ८ हजार रुपये देण्याच्या ठराव केला. परंतु महापालिकेच्या मंजुरीनंतरही काही तांत्रिक कारणांमुळे या वाढीव मानधनाचा लाभ आरोग्य सेविकांना मिळत नाही. 

पाच हजार रुपयांसाठी आरोग्य धोक्यात
प्राथमिक स्तरावरच कोरोनाचे रुग्ण शोधण्याचे काम आणि मुंबईकरांचे सर्वेक्षण करण्याचे काम आरोग्य सेविकांवर सोपवण्यात आले आहे. मात्र, पाच हजारांसाठी आपले आरोग्य धोक्यात घालण्यास आरोग्य सेविकांच्या कुटुंबाकडूनच विरोध होत आहे. त्यामुळे बहुतांशी आरोग्य सेविकांनी गरज म्हणून तर काही महापालिकेची सेवा म्हणून कामाला सुरुवात केली. तर काहींनी सेवा बजावण्यास नकार दिला असल्याचे समजते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com