डोंबिवली : सहा वर्षांपासून मोक्कातील फरार सलमान अखेर जेरबंद

कल्याण गुन्हे अन्वेषण विभागाची कारवाई
Mumbai
MumbaiSakal

डोंबिवली : एकट्या महिलांना (Women) हेरून त्यांच्या गळ्यातील मंगळसूत्र, सोनसाखळी चोरी करणाऱ्या सलमान उर्फ जॅकी पपली इराणी उर्फ हुसेन (वय 31) याला कल्याण (kalyan) गुन्हे अन्वेषण विभाग घटक 3 ने सापळा रचून खडवली येथून अटक केली. सलमान याच्यावर 11 पोलीस (police) ठाण्यात लुटमारीचे गुन्हे दाखल असून मोक्का देखील लावण्यात आला आहे. 6 वर्षांपासून तो पोलिसांच्या हातावर तुरी देत गुन्हे करतच होता. अखेर सापळा रचून सलमानला अटक करण्यात कल्याण गुन्हे शाखेस यश आले आहे.

आंबिवली परिसरात राहणारा सलमान हा मूळचा मध्य प्रदेशातील आहे. विविध पोलीस ठाण्यात दाखल गुन्ह्यात पोलीस सलमान याचा शोध घेत होते. कल्याण गुन्हे शाखेचे पोलीस हवालदार अनुप कामत यांना एका गुप्त बातमीदार मार्फत सलमान हा खडवली परिसरात येणार असल्याची माहिती मिळाली. मिळालेल्या माहितीनुसार वरिष्ठ पोलीस निरीक्षक विलास पाटील,

पोलिस उपनिरीक्षक मोहन कळमकर, पोलीस हवालदार अनुप कामत, मंगेश शिर्के, सचिन साळवी , सुरेश निकुळे, राहुल ईशी यांनी सापळा रचून शनिवारी सलमानला अटक केली. त्याच्याजवळ 10 हजार रुपये किंमतीचा मोबाईल आढळून आला आहे.

Mumbai
स्टेन स्वामी याच्या नातेवाईकांनी घेतली मुंबई उच्च न्यायालयात धाव

सलमान याच्या विरोधात मुंबई, नवी मुंबई, कल्याण डोंबिवली तील 11 पोलीस ठाण्यात गुन्हे दाखल आहेत. मोटारसायकल चोरून त्याच चोरीच्या मोटारसायकलचा वापर करून तो महिलांना हेरून त्यांच्या गळ्यातील सोनसाखळी, मंगळसुत्र चोरत असे. आरोपीस महात्मा फुले चौक पोलिसांच्या ताब्यात देण्यात आले असून ते अधिक तपास करीत असल्याचे गुन्हे शाखेकडून सांगण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com