घाटकोपर दुर्घटनेत ५ जणांचा मृत्यू, महापौर रितू तावडेंनी झटकले हात; म्हणे, लोक ऐकत नाहीत

Ghatkopar Landslide: घाटकोपरमध्ये दरड कोसळून घडलेल्या दुर्घटनेत एकाच कुटुंबातील ५ जणांचा मृत्यू झालाय. बुधवारी पहाटे ही दरड कोसळल्याची घटना घडली. या दुर्घटनेत डोंगरावरील मातीचा काही भाग घरांवर कोसळला. अशोकनगर, टेकडी क्रमांक ३ इथं ही घटना घडल्याची माहिती समोर आलीय. दरम्यान, या घटनेनंतर महापौर रितू तावडे यांनी पाहणी केली. पाहणीनंतर बोलताना त्यांनी हात झटकत नोटीस पाठवूनही लोक ऐकत नसल्याचं म्हटलंय.