गणपतीला कोकणात जायचं कसं ? गावकीच्या निर्णयाचे भावकीला टेंशन... 

मुंबई : गणपतीला येणाऱ्या चाकरमान्यांना होमक्वारंटाईन राहणे बंधनकारक करण्याचा निर्णय कोकणातील अनेक गावांनी घेतला. त्यामुळे समस्त चाकरमान्यांचे टेंशन वाढले असून या वर्षी गणपती मुंबईत हलविण्याबाबत भावकीत खल सुरु झाले आहेत.

ऑगस्टच्या 22 तारखेला गणपती बाप्पाचं आगमन होतंय. आतापर्यंत आगमनापूर्वी तीन चार दिवस आधी चाकरमानी गावी पोहचत होता. पण, यंदा काही गावांनी 14 दिवसांसाठी घरात किंवा गावातील शाळेत क्वारंटाईन राहाणे सक्तीचे केले. त्यामुळे चाकरमान्यांना किमान 5 तारखेला मुंबईतून निघावे लागणार आहे. सध्याच्या परीस्थीतीत मुंबईतील कामकाज नियमती सुरु नसले, तरी कधीही कंपनी सुरु होऊन बोलावणं येईल या आशेवर नोकरदार आहेत. त्यामुळे महिनाभर गावी राहाणे शक्य नाही. अनेक गावांनी अद्याप चाकरमान्यांबाबत निर्णय घेतलेला नाही. त्यामुळे मुंबईतून गावकीला फोनाफोनी वाढली आहे. या गावांचे निर्णय महिन्याअखेरीस होण्याची शक्यता आहे.

मोठी बातमी - हॉस्पिटलने दिलं एक लाख तीस हजारांचे बिल, बिल पाहून रुग्णाने हॉस्पिटलमधून ठोकली धूम..

"प्लान बी" तयार करण्यास सुरवात : 

गावच्या निर्णयावर डोळे लावूूून बसलेल्या चाकरमान्यांनी "प्लान बी " तयार करण्यास सुरवात केली आहे. यात फक्त यंदाच्या वर्षी मुंबईत गणपती आणता येईल का? याबाबत जाणकारांबरोबर चर्चा सुरु केली आहे. या सर्व काळात मुंबईतील भावकीमध्ये रोजची फोनाफानी वाढली आहे.

जेष्ठांना यंदा गाव नाही 

जेष्ठ चाकरमानी, नोकरीत स्थिरावलेली मध्यवयीन मंडळी दरवर्षी गणपतीच्या तीन चार दिवस अगोदर जायची. मात्र, यंदा जेष्ठ नागरीकांना गावी न पाठवण्यावर भावकीचा कल आहे. गावच्या एका घरातील तीन ते चार कुटुंब मुंबईत आहेत. प्रेत्येकावर दरवर्षी गणपतीची तयारी करण्याची खाईनाकाही जबाबदारी असते. नंतर कुटुंबातील बाकीची मंडळी आगमनाला अथवा गौरीसाठी गावी येतात. मात्र, यंदा सर्वच विचका झाला आहे.

मोठी बातमी - सतत हात धुताय ? वेळीच सावधान व्हा, कारण हे 'या' आजाराचं असू शकतं लक्षण 

आमचे घर बंद 

कोकणातल्या प्रत्येक वाडीतील किमान दोन चार घरं फक्त गणपती, शिमगा आणि उन्हाळ्यात उघडतात. त्यामुळे आम्ही दोन चार दिवस अगोदर येतो घरा बाहेर जाणार नाही. अशी चर्चाही ग्रामस्थाशी चाकरमान्यांनी सुरु केली आहे.

( संकलन - सुमित बागुल )  

how to go to knokan for ganesh utsav big question against people staying in metro cities