सबस्क्राईब करा
मुंबई- सोमवारी मुंबई शहर, उपनगर आणि नवी मुंबईत आलेला पाऊस आणि वादळी वाऱ्यामुळे जनजीवन विस्कळीत झाले होते. त्यातच भारतीय हवामान विभागाने मंगळवारी मुंबईसाठी इशारा जारी केला आहे. पुढील तीन ते चार तासात मुंबईत सोसाट्याचे वारे वाहण्याची शक्यता आहे. तसेच मध्यम पाऊस आणि विजा कडाडण्याची शक्यता आहे.
पुढील तीन ते चार तास खबरदारी घेण्याचा सल्ला आयएमडीने मुंबईकरांना दिला आहे. आयएमडीने सांगितलंय की, ४०-५० किमोमीटर प्रति तास या गतीने वारे वाहण्याची शक्यता आहे. त्यामुळे घराच्या बाहेर पडणाऱ्या लोकांनी काळजी घ्यावी. तसेच आवश्यक असेल तरच घराबाहेर पडावे. वादळी वाऱ्यांसह पाऊस आणि आकाशात विजा चमकणार आहेत. मुंबई आणि उपनगरातील बंदिस्त भागांमध्ये जोराच्या वाऱ्याचा प्रभाव जास्त पाहायला मिळणार आहे.
सोमवारी सायंकाळी चारच्या सुमाराज मुंबई आणि उपनगरामध्ये वादळी वारे आणि मुसळधार पावसाला सुरुवात झाली होती. त्यामुळे लोकांची तारांबळ उडाली. शिवाय काही ठिकाणी अपघाताच्या घटना देखील घडल्या. घाटकोपर येथे जवळपास १२०*१२० महाकाय आकाराचे जाहिरातीचे फलक पेट्रोल पंपावर कोसळले. त्यामुळे मोठी जीवितहानी झाली. या पार्श्वभूमीवर आयएमडीचा आजचा इशारा महत्वाचा आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.