कल्याण- कल्याण-डोंबिवली महापालिका क्षेत्रातील कोरोना रुग्णांची वाढती संख्या लक्षात घेऊन महापालिकेने पुढील आदेश होईपर्यंत प्रत्येक आठवड्याच्या शनिवार आणि रविवारी जीवनावश्‍यक वस्तूंची दुकाने वगळता अन्य सर्व आस्थापना बंद ठेवण्याचा निर्णय घेतला आहे.
शहरातील हॉटेल्स, बार यांच्या केवळ पार्सल सेवा उपलब्ध असतील. शहरातील मॉल्स, भाजी मंडई 50 टक्के क्षमतेने सुरू राहतील. या दोन्ही दिवशी शहरातील फेरीवाल्यांवरही निर्बंध घालण्यात आले आहेत.
होळी तसेच धुळवड आणि रंगपंचमी यावरही पालिका प्रशासनाने निर्बंध लावले आहेत. सार्वजनिक ठिकाणी सण साजरा करण्यावर बंदी घालण्यात आली आहे. त्याचबरोबर सोसायटीच्या आवारातही एकत्रितपणे सण साजरा करू नये, असे आवाहन पालिका प्रशासनाने केले आहे.
दरम्यान, शहाड येथील पटेल मार्ट येथील काही कर्मचारी कोरोनाग्रस्त झाल्यामुळे पुढील पाच दिवसांसाठी हे दुकान पालिकेने सील केले आहे. आज शहरात 825 नवीन कोरोनाग्रस्त रुग्णांची नोंद झाली आहे. मागील एक महिन्यापासून शहरातील रुग्णसंख्येत झपाट्याने वाढ होत असल्यामुळे पालिकेने खबरदारीच्या उपाययोजनांची अंमलबजावणी सुरू केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.