‘...यामुऴे’ नवी मुंबईकरांची होतीये घुसमट?

नवी मुंबई : मागील काही दिवसांपासून कोपरी गाव, सेक्‍टर- 26 परिसरातील नागरिकांना रासायनिक दुर्गंधीयुक्त वासाचा त्रास वाढू लागल्याने नागरिकांचे आरोग्य धोक्‍यात आले आहे. त्यामुळे अशा प्रकारे दुर्गंधीयुक्त वायू सोडणाऱ्या कंपन्यांवर महाराष्ट्र प्रदूषण नियंत्रक मंडळाने कारवाई करावी, अशी मागणी सेक्‍टर- 26 मधील सामाजिक कार्यकर्ते सुरेश शेट्ये यांनी केली आहे. 

ही बातमी वाचली का?- पुणे-मुंबई वाहतुकीसंदर्भात महत्त्वाची बातमी; सेवा पुर्ववत होणार? 

रबाळे, महापे व पावणे औद्योगिक क्षेत्रामध्ये असणाऱ्या रासायनिक कारखान्यातून सातत्याने रासायनिक द्रव्यमिश्रित पाणी सोडले जात आहे. तसेच रात्री वायू सोडले जातात. त्यामुळे परिसरात वायुप्रदूषण होऊन नागरिकांना श्वास घेण्यास अडचणी येत असल्याची माहिती सेक्‍टर 26, व कोपरी गावातील नागरिकांनी दिली आहे. कोपरी गावाजवळून सांडपाणी वाहून नेणारे एमआयडीसीचे दोन नाले जात आहेत. एक मुख्य नाला असून, त्यालाच जोडणारा आणखी एक उपनाला कोपरीगाव परिसरातून जातात. या नाल्यातून रोज सकाळी पांढरे, काळे, लाल, राखाडी, हिरवे अशा प्रकारच्या निरनिराळ्या रंगाची रासायनिक द्रव्ये सोडली जातात. प्रक्रिया न करताच बरेचसे द्रव्य सोडण्यात आल्याने नाल्यालागत असणाऱ्या वृक्ष, वनस्पती, जैविक जीव; तसेच खाडीतील मासेमारीवरदेखील संकट आल्याची माहिती समोर आली आहे.

ही बातमी वाचली का?- क्लासला जाताना जबरदस्तीने केला बलात्कार, यामुऴे फुटली वाचा..

अप्रक्रियाकृत द्रव्य व रात्री दुर्गंधीयुक्त वायूचा त्रास कोपरी गाव व सेक्‍टर- 26 मधील नागरिकांना होत आहे. यामुळे उलटी, मळमळ होणे, डोके दुखणे आणि छाती भरणे असा त्रास होऊ लागला आहे. त्यामुळे अशा प्रकारे रसायनमिश्रित द्रव्य व दुर्गंधीयुक्त रसायन सोडणाऱ्या कंपन्यांवर महाराष्ट्र प्रदूषण नियंत्रण मंडळाने कारवाई करावी, अशी मागणी सामाजिक कार्यकर्ते सुरेश शेट्ये यांनी केली आहे. 

ही बातमी वाचली का?- दहावी पास आहात! ५६ हजाराची नोकरी वाट पाहतीये

कोपरी गावाशेजारील नाल्यातून रोजच रसायनमिश्रित द्रव्य सोडले जाते. रात्री दुर्गंधीयुक्त वायूचा वास रोज येत असतो. त्यामुळे येथील नागरिकांना याचा त्रास होत असून, आरोग्य धोक्‍यात आले आहे. तेव्हा नागरिकांच्या आरोग्याच्या दृष्टीने प्रदूषण मंडळाने नाल्यात दुर्गंधीयुक्त रसायन सोडणाऱ्या व वायुप्रदूषण करणाऱ्या कंपन्यांवर वेळीच कारवाई करावी. 
- सुरेश शेट्ये, सामाजिक कार्यकर्ते.