मुंबई : भाजपचे राज्य उपाध्यक्ष आणि विधानपरिषदेचे आमदार प्रसाद लाड (Prasad Lad) यांची कन्या चि. सौ. का. सायली व चि. शांतनू पोवळे यांच्या गोव्यात झालेल्या विवाहाप्रसंगी संजय राऊत, रामदास आठवले, नितीन सरदेसाई, गोव्याचे मुख्यमंत्री प्रमोद सावंत आदी सर्वपक्षीय नेत्यांची तसेच अभिनेत्यांची मांदियाळी होती. यावेळी संगीत कार्यक्रमात खुद्द लाड यांनीही उडत्या गाण्यांवर ठेका धरला.
लाड यांचे जावई शांतनू पोवळे हे व्यवसायाने सनदी लेखापाल (सीए) असून त्यांची फर्म आहे. मात्र त्यांना कोणतीही राजकीय पार्श्वभूमी नाही. गोवा येथे गुरुवारी (ता. 20) अनेक मान्यवरांच्या उपस्थितीत मात्र कोरोनाविषयक नियम पाळूनच हा विवाहसोहळा झाला. लेकीची पाठवणी करताना लाड यांनाही अश्रू आवरले नाहीत.
यावेळी केंद्रीय सामाजिक न्याय राज्यमंत्री रामदास आठवले, केंद्रीय अर्थराज्यमंत्री भागवत कराड, रेल्वे राज्यमंत्री रावसाहेब दानवे पाटील, गोव्याचे मुख्यमंत्री डॉ. प्रमोद सावंत, महाराष्ट्राचे माजी मुख्यमंत्री देवेंद्र फडणवीस, भाजप प्रदेशाध्यक्ष चंद्रकांत दादा पाटील, विधान परिषदेचे विरोधीपक्षनेते प्रविण दरेकर, खासदार प्रितम मुंडे, मनोज कोटक, खासदार संजय राऊत, माजी मंत्री गिरीश महाजन, माजी मंत्री चंद्रशेखर बावनकुळे, आमदार सुनील राणे, आमदार अमित साटम, आमदार परिणय फुके, शर्मिला ठाकरे, मिलिंद नार्वेकर, नरेंद्र पाटील, कृपाशंकर सिंह, माजी खासदार निलेश राणे, भाजप प्रदेश उपाध्यक्ष चित्रा वाघ, आमदार निरंजन डावखरे, मनसे नेते नितीन सरदेसाई, अभिनेत्री निर्मिती सावंत आदी मान्यवर हजर होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.