मुंबई : राज्य सरकारद्वारे निश्चित केलेल्या अत्यावश्यक सेवेतील कर्मचाऱ्यांसाठी मुंबई विभागातील मुख्य मार्गावर आणि हार्बर मार्गावर सध्या 350 निवडक लोकल धावत आहे. त्यानंतर आता सोमवारपासून (ता.13) ट्रान्स हार्बर मार्गावर नव्याने दोन लोकल सुरू करण्यात येत आहे. मात्र ही सेवा केवळ ठाणे ते वाशी दरम्यान धावणार आहे. त्यामुळे ट्रान्स हार्बर मार्गावरील अत्यावश्यक सेवेतील कर्मचाऱ्यांना दिलासा मिळणार आहे.
मध्य आणि हार्बर रेल्वे मार्गावर आतापर्यंत 350 लोकल फेऱ्या सुरू होत्या, त्यानंतर आता यामध्ये ठाणे ते वाशी ये-जा करण्यासाठी दोन फेऱ्या सुरू करण्यात येणार आहे. त्यामुळे आता मध्य रेल्वे मार्गावर 352 एकूण फेऱ्यांची संख्या झाली आहे.
यामध्ये फक्त राज्य शासनाने निश्चित केलेल्या अत्यावश्यक सेवेतील कर्मचार्‍यांनाच लोकलमधून प्रवास करण्याची परवानगी देण्यात येईल. अत्यावश्यक कर्मचाऱ्यांव्यतिरिक्त सामान्य प्रवाशांनी स्थानकांवर गर्दी करू नये तसेच कोविड-19 च्या नियमांचे कर्मचाऱ्यांनी प्रवास करताना पालन करण्याचे आवाहन मध्य रेल्वेने केले आहे.
इच्छाशक्तीचा विजय; अवघ्या दहा दिवसांत डोंबिवलीतील 91 वर्षाच्या आजींची कोरोनावर मात...
अशा असतील फेऱ्या
ठाणे येथून वाशी येथे जाण्यासाठी विशेष लोकल सकाळी निघेल आणि ठाण्याकरिता वाशी येथून संध्याकाळी लोकल सुटेल. या लोकल रबाळे, कोपरखैरणे, तुर्भे आणि सानपाडा या स्थानकांवर थांबतील. दरम्यान, रेल्वेने स्थानकांवरील गर्दी टाळण्यासाठी या लोकलच्या वेळा जाहीर केल्या नसून अत्यावश्यक सेवेतील कर्मचाऱ्यांना वेळा कळवल्याचेम मध्य रेल्वेने म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.