लॉकडाऊन आणि पावसानं केली अशी काही 'कमाल' की मुंबईकरांना अनुभवता येतंय स्वच्छंद जीवन, कसं ते वाचाच

मुंबई : सोमवारी रात्री झालेला पाऊस तसेच जोरदार वाऱ्यामुळे मुंबईतील सर्वात कमी प्रदूषणाची नोंद झाली. हवेतील प्रदूषण नोंदवण्यास 2015 च्या प्रारंभापासून सुरुवात झाली. तेव्हापासूनची सर्वोत्तम नोंदीची बरोबरी झाली. 
गतवर्षी म्हणजेच 4 सप्टेंबर 2019 या दिवशी हवेचा दर्जा निर्देशांक सर्वोत्तम नोंदला गेला होता. त्यावेळी निर्देशांक 12 होता. त्याची बरोबरी मंगळवारी साधली गेली. आता बुधवारी त्यात सुधारणा होऊन तो 10 असेल असा अंदाज व्यक्त करण्यात आला आहे. 

ही बातमी वाचली का? मुंबईकर... मास्क लावा, नाहीतर हजार रुपये तयार ठेवा...

मंगळवारी मुंबईची हवा लंडन (21), टोकियो (52), सिडनी (25), सिंगापूर (25) यांच्यापेक्षा सरस होती. मात्र न्यूयॉर्कने (10) मुंबईस मागे टाकले होते. सफरमधील संशोधकांच्या मते हवेचा दर्जा सुधारण्यास अनेक कारणे निर्णायक ठरली आहेत. 

महत्वाची बातमी : वेब सीरिज बघताय जरा सावध व्हा, नाहीतर तर होऊ शकतं हे...

कोरोना महामारी रोखण्यासाठी लॉकडाऊन अमलात आला आहे. त्याचे दिर्घ परिणाम राहतात. सोमवारी रात्री तसेच मंगळवारी सकाळी झालेल्या पाऊस तसेच जोरदार वाऱ्याने प्रदूषण करणारे घटक जमिनीवरच राहिले. दरवर्षी पाऊस आल्यावर प्रदूषण कमी होतेच, पण यावेळी मार्चपासून असलेल्या लॉकडाऊनमुळे हवा स्वच्छ होण्यास मदत झाली आहे. आगामी काही दिवस पावसाचा अंदाज असल्याने हवा स्वच्छ राहील असा कयास तज्ज्ञांनी व्यक्त केला. 

हेही वाचा : वीजबिल जास्त येण्यामागची 'ही' आहेत कारणं, 'म्हणून' बसलाय तुम्हाला वीजबिलाचा शॉक

मुंबई तसेच परिसरात असलेल्या दहाही ठिकाणी हवा चांगली असल्याची नोंद झाली. कुठेही ती तीसपेक्षा जास्त नव्हती. 0 ते 50 च्या दरम्यान नोंद झाल्यास ती चांगली मानली जाते. 51 ते 100 समाधानकारक, 101 ते 200 चांगली, 201 ते 300 खराब, 301 ते 400 वाईट आणि 400 पेक्षा जास्त असल्यास ते धोकादायक मानले जाते.

Lockdown and rain are some of the things that Mumbaikars can experience