महाराष्ट्र सरकारने गणेशोत्सव २०२५ साठी कोकणात जाणाऱ्या भाविकांसाठी टोलमध्ये सूट जाहीर केली आहे. ही सूट २३ ऑगस्ट २०२५ ते ८ सप्टेंबर २०२५ पर्यंत लागू असेल. कोकणात जाणाऱ्या वाहनांना आणि राज्य परिवहन बसेसना मुंबई - बेंगळुरू राष्ट्रीय महामार्ग, मुंबई - गोवा राष्ट्रीय महामार्ग आणि सार्वजनिक बांधकाम विभाग आणि महाराष्ट्र राज्य रस्ते विकास महामंडळाच्या अंतर्गत येणाऱ्या रस्त्यांवर टोल भरावा लागणार नाही.