'वाजपेयींनी पवारसाहेबांना दिला होता सत्ता स्थापनेचा प्रस्ताव'

मुंबई : राष्ट्रवादी काँग्रेस पक्ष व पक्षाचे अध्यक्ष शरद पवार यांच्याविषयी सतत अपप्रचार केला जातो. पवार साहेबांचे नरेंद्र मोदी यांच्याशी संबंध जोडले जातात. पण त्यात तथ्य नाही. राष्ट्रवादी पक्ष विचारधारेशी तडजोड करणारा नाही. १९९९ च्या विधानसभा निवडणुकीत काँग्रेस हा आमचा पहिल्या क्रमांकाचा शत्रू होता. त्या निवडणुकीनंतर अटलबिहारी वाजपेयी यांनी पवारसाहेबांना बोलावून महाराष्ट्रात शिवसेना, भाजप व राष्ट्रवादी काँग्रेसचे सरकार स्थापन करण्याचा प्रस्ताव ठेवला होता. पण पक्षाने विचारधारेशी तडजोड केली नाही, अशा भावना व्यक्त करीत राष्ट्रवादीचे ज्येष्ठ नेते प्रफुल्ल पटेल व प्रदेशाध्यक्ष सुनील तटकरे यांनी राष्ट्रवादी काँग्रेस भाजपसोबत कधीही तडजोड करणार नाही, असे संकेत दिले.

शरद पवार यांच्या प्रमुख उपस्थितीत कर्जत येथे आयोजित केलेल्या पक्षाच्या ‘चिंतन शिबीरा’मध्ये त्यांनी हे महत्त्वपूर्ण विधान केले. शिवसेनेने राज्यातील भाजप सरकारचा पाठींबा काढून घेतला तर राष्ट्रवादी बाहेरून पाठींबा देऊ शकते असे तर्क राजकीय वर्तुळात मांडले जात होते. पण ‘ती जागा राष्ट्रवादी भरून काढणार नाही’ असे नमूद करून पटेल यांनी भाजपसोबत राष्ट्रवादी जाणार असल्याची शक्यता फेटाळून लावली. 

आगामी लोकसभा निवडणुकीसोबत विधानसभा निवडणूकही एकत्र घेण्याचा निृ्णय भाजप सरकार घेऊ शकते. त्यामुळे राष्ट्रवादी पक्षाची लाईन निश्चित करून पक्षाने कामाला लागले पाहीजे असे शरद पवार यांचे मत असल्याने ही चिंतन बैठक आयोजित केल्याचेही पटेल यांनी सांगितले.

'ई सकाळ'वरील इतर महत्त्वाच्या बातम्या :

• टेक्सास: चर्चमध्ये अंदाधुंद गोळीबार; 26 जणांचा बळी
• राणे, राय, सुखरामला घेणाराच खरा भाजप - कन्हैयाकुमार
• 'अतुल्य' भारतातील तथाकथित पापिणी!  
• टेरेस हॉटेल विरोधाची भाजपची तलवार म्यान
• दैनंदिन गरजेच्या वस्तूंवरील 'जीएसटी' कमी होणे शक्य
• ऐतिहासिक वारशाची रया गेली
• नाना आणि साहेब! (ढिंग टांग)
• श्रीगोंद्यात डेंगीचा बळी; दहा वर्षाच्या मुलाचा मृत
• कॅच २४ - राजकारण