Mumbai: आता ३० मिनिटांच्या प्रवासाला फक्त १० मिनिटे लागणार! मुंबईतील 'हा' महत्त्वाचा उड्डाणपूल पूर्ण होणार; कधी आणि कोणता?

मुंबई : महाराष्ट्राची राजधानी मुंबईतील विद्या विहार पूर्व आणि पश्चिमेला जोडणाऱ्या महत्त्वाच्या विद्या विहार उड्डाणपुलाचे बांधकाम २५ जून २०२६ पर्यंत पूर्ण करण्याचे उद्दिष्ट बीएमसीने ठेवले आहे. अतिरिक्त बीएमसी आयुक्त अभिजीत बांगर यांनी गुरुवारी प्रकल्पस्थळाला भेट दिली आणि कामाच्या प्रगतीचा आढावा घेतला आणि संबंधित विभागांना स्पष्ट सूचना दिल्या. बीएमसीच्या 'एन' वॉर्ड क्षेत्रात स्थित, हा उड्डाणपुल घाटकोपर परिसरातील रामचंद्र चेंबूरकर मार्ग आणि लाल बहादूर शास्त्री मार्ग यांना जोडेल.