Mumbai-Pune Traffic: मुंबई-पुणे महामार्गावर मोठी वाहतूक कोंडी, वाहनांच्या लागल्या रांगा; काय आहे कारण

Express Way News: कर्जत-पनवेल दुहेरी मार्गावर चिखले रेल्वे स्थानकाजवळ उपनगरीय रेल्वे कॉरिडॉर प्रकल्पातील पुलाचे काम करण्यात येत आहे. मुंबई-पुणे एक्स्प्रेस-वेवर पुण्याच्या दिशेने जाणारी वाहतूक बंद करण्यात आली आहे. यामुळे कळंबोली येथे मोठी वाहतूक कोंडी पहायला मिळत आहे.

सकाळी ११ ते दुपारी १ वाजेपर्यंत तीन तास ही मार्गिका पूर्णपणे बंद राहणार असल्याचे महामार्ग पोलिस अधीक्षक अरविंद साळवे यांनी पत्रक काढून जाहीर केले आहे. पुणे बाजूकडे जाण्यासाठी सर्व प्रकारची वाहने कळंबोली सर्कल - टी पॉईंट- करंजाडे - पळस्पे मार्गे NH 48 जुना मुंबई पुणे महामार्गाने पुणे बाजुकडे वळविण्यात आलेली आहेत. यामुळे ही वहातुक कोंडी झाली आहे. (mumbai pune old highway )

पनवेल ते कर्जत मार्गाचे दुहेरीकरणाचे काम वेगात सुरू आहे. या प्रकल्पात चिखले रेल्वे स्थानकाजवळ मुंबई-पुणे एक्स्प्रेस-वेमुळे हा रेल्वे मार्ग विभागला जातो. या ठिकाणी स्थानकाजवळ लोखंडी पूल टाकण्याचे काम रेल्वे प्रशासनातर्फे करण्यात येत आहे.(express way important News)