Ro-Ro Ferry Service
ESakal
नितीन बिनेकर
मुंबई : आखाती देशांतील वाढत्या तणावाचा परिणाम जागतिक इंधन बाजारावर झाला आहे. त्याचे थेट पडसाद आता मुंबईच्या सागरी वाहतुकीवर उमटू लागले आहेत. वेग, सोय आणि वेळेची बचत यामुळे लोकप्रिय ठरलेली मुंबई-मांडवा रो-रो सेवेसह पारंपरिक लाकडी फेरीबोटीनांही महागाईची झळ पोहोचली आहे. इंधन दरातील वाढीमुळे खर्चाचे गणित बिघडले असून, लवकरच प्रवासी आणि वाहन भाड्यात वाढ होण्याची शक्यता व्यक्त केली जात आहे.
