खामगाव आगाराची बस सप्तशृंगी गडावरून आज सकाळी खामगावच्या दिशेनं निघाली होती. त्यावेळी घाटातील गणपती टप्प्यावरुन बस थेट ४०० फूट दरीत कोसळली.
मुंबई : सप्तश्रृंगी गडाच्या घाटात (Saptashrungi Ghat) एसटी बस दरीत कोसळून मोठा अपघात झाला आहे. या अपघातात एका महिलेचा मृत्यू झाला, तर बसमधून प्रवास करणारे 22 जण जखमी झाले आहेत.
दरम्यान, नाशिकमधील कळवण (नाशिक) इथं सप्तशृंगी गड घाटात एसटी बसच्या अपघातात मृत्यूमुखी पडलेल्या महिलेच्या वारसाला दहा लाख रुपयांची मदत एसटी महामंडळामार्फत (ST Corporation) देण्यात येणार आहे.
या अपघातातील जखमींवर शासकीय खर्चाने उपचार करण्यात येणार असल्याचे मुख्यमंत्री एकनाथ शिंदे (Eknath Shinde) यांनी सांगितले. नाशिक जिल्ह्याचे पालकमंत्री दादाजी भुसे (Dadaji Bhuse) घटनास्थळी दाखल झाले आहेत.
खामगाव आगाराची बस सप्तशृंगी गडावरून आज सकाळी खामगावच्या दिशेनं निघाली होती. त्यावेळी घाटातील गणपती टप्प्यावरुन बस थेट ४०० फूट दरीत कोसळली. बसमध्ये २२ प्रवासी असल्याची प्राथमिक माहिती आहे. गडावरील स्थानिक रहिवाशी आणि शासकीय यंत्रणांकडून मदतकार्य सुरू झालं आहे.
जखमी प्रवाशांना वणी येथील शासकीय रुग्णालयात दाखल करण्यात आलं आहे. काहींना प्राथमिक उपचार करून नाशिक इथं पुढील उपचारासाठी पाठवण्यात आलं आहे. पाच रुग्णांना नाशिक इथं हलवण्यात आल्याची प्राथमिक माहिती आहे. जखमींना लवकरात लवकर बरे वाटावे, अशी प्रार्थनाही मुख्यमंत्र्यांनी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.