नवी मुंबईत लक्झरी बस आऊट ऑफ कंट्रोल, थेट भिंतीला धडक

मुंबईः नवी मुंबईत एक भीषण अपघात झाला आहे. कोल्हापूरवरून मुंबईच्या दिशेनं येणाऱ्या खाजगी ट्रॅव्हल्स बसचा अपघात झाल्याची माहिती समोर आली आहे.  मुंबई -पुणे हायवेवर कामोठे येथे हा अपघात झाल्याचं समजतंय. भरधाव आलेली बस थेट रस्त्याजवळ असलेल्या डिव्हाडरमध्येच घुसली. या भीषण अपघातात १५ जण जखमी झाले. दरम्यान सुदैवानं या अपघातात कोणतीही जीवितहानी झाली नाही. 

बुधवारी सकाळी नवी मुंबईजवळच्या कामोठे येथे मुंबई पुणे हायवेवर हा अपघात झाला. एका खासगी ट्रव्हल्सची बस कोल्हापूरवरून ३० ते ४० प्रवाशांना घेऊन मुंबईच्या दिशेनं येत होती. कामोठेजवळच्या हायवेवर येताच अचानक ड्रायव्हरचा गाडीवरील ताबा सुटला आणि बस थेट रस्त्याजवळच्या डिव्हाडरवर जाऊन जोरदार धडकली. ही बस भुयारी मार्गासाठी बनवण्यात आलेल्या भितींत जाऊन घुसली.

अधिक वाचा-  रुग्णांचा आकडा आटोक्यात, ठाण्यात सहा कोविड सेंटरसह क्वॉरन्टांईन सेंटरही बंद

ही धडक इतकी भीषण होती की, भरधाव वेगानं आलेल्या बसचा समोरच्या भागाचा चक्काचूर झाला आहे. या अपघातात ड्रायव्हर जखमी झाला असून त्याची प्रकृती चिंताजनक आहे. त्याला जवळच्या रुग्णालयात उपचारासाठी दाखल करण्यात आलं आहे. या बसमधील आणखी १५ जण किरकोळ जखमी झाले आहेत. बसमध्ये एकूण ३५ ते ४० प्रवाशी प्रवास करत होते.

अधिक वाचा-  कल्याणमधल्या पत्रिपुलासाठी मेगाब्लॉक जाहीर, नागरिकांचे होणार हाल

पोलिसांनी दिलेल्या माहितीनुसार, ड्रायव्हरची प्रकृती चिंताजनक आहे. अपघातानंतर ही बस भिंतीत जाऊन अडकली होती. त्यामुळे बस काढण्यासाठी घटनास्थळी अग्निशमन दलाच्या जवानांना बोलावण्यात आलं होतं. अग्निशमन दलाच्या जवानांनी बसमध्ये अडकलेल्या प्रवाशांना सुखरुपपणे बाहेर काढलं. सध्या जखमी झालेल्या प्रवाशांवर कामोठे एमजीएम रुग्णालयात उपचार सुरु आहेत. 

Navi Mumbai private travels bus terrible accident