मुंबई - बॉलीवूड ड्रग केसमध्ये एनसीबीच्या रडारवर असलेल्या अभिनेत्री दीपिका पदूकोणची २५ सप्टेंबरला चौकशी केली जाणार आहे. ड्रग प्रकरणात समोर आलेल्या सेलिब्रिटींच्या नावामध्ये दीपिका पदूकोण सगळ्यात मोठी व्यक्ती आहे. दरम्यान, एनसीबीने धर्मा प्रोडक्शनच्या एका मोठ्या दिग्दर्शकालाही समन्स बजावल्याची माहिती समोर येत आहे. त्यामुळे सुशांतसिंह मृत्यू प्रकरणात सुरू झालेली चौकशी आता बॉलिवूडमधील नशेखोरांकडे वळली असल्याचे दिसून येत आहे.
काल एनसीबीने दीपिका पदूकोण, सारा अली खान, रकुल प्रीत सिंह आणि श्रद्धा कपूर यांना अंमली पदार्थ प्रकरणी समन्स पाठवले आहे. त्यानंतर एनसीबीच्या जाळ्यात आणखी कोण कोणते मोठे बॉलिवूड तारे येतात याकडे साऱ्यांचे लक्ष लागले होते. त्यातच आज धर्मा प्रोडक्शनचे प्रसिद्ध दिग्दर्शक क्षितिज प्रसाद यांनाही आता एनसीबीने समन्स पाठवल्याची माहिती समोर आली आहे. धर्मा प्रोडक्शन करण जोहर यांचे आहे. त्यामुळे एनसीबीच्या रडावर आता धर्मा प्रोडक्शन देखील आल्याचे स्पष्ट झाले आहे.
सीबीआयने सुशांतसिंह राजपूत प्रकरणाची चौकशी केली होती त्यावेळी देखील धर्मा प्रोडक्शनचा उल्लेख आला होता. बॉलिवूडवर घराणेशाहीचा आरोप झाला तेव्हादेखील धर्मा प्रोडक्शनबाबत माध्यमांमध्ये चर्चा होती. क्षितिज प्रसाद यांना समन्स पाठवल्यानंतर एनसीबीच्या रडावर आणखी कोण कोण आहेत. हे पाहणं महत्वाचं ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.