कल्याण-डोंबिवलीत रॅपिड टेस्टींग करण्यावर भर देण्याची गरज! - फडणवीस

कल्याण-डोंबिवलीत रॅपिड टेस्टींग करण्यावर भर देण्याची गरज! - फडणवीस
कल्याण-डोंबिवलीत रॅपिड टेस्टींग करण्यावर भर देण्याची गरज! - फडणवीस

कल्याण : कल्याण, डोंबिवली शहरांमधील कोरोनाबाधित रुग्णांच्या संख्येत झपाट्याने वाढ होत आहे. वाढती रुग्णसंख्या आणि अपुरी आरोग्य व्यवस्था विचारात घेऊन सरकारने या शहरांकडे विशेष लक्ष देण्याची आवश्यकता असल्याचे मत विधानसभेचे विरोधी पक्षनेते देवेंद्र फडणवीस यांनी रविवारी व्यक्त केले. शहरात रॅपिड टेस्टींग करण्यावर भर देण्याची गरज असल्याचेही त्यांनी सांगितले.

विधान परिषदेतील विरोधी पक्षनेते प्रवीण दरेकर यांच्यासह फडणवीस यांनी कल्याणमधील होली क्रॉस कोव्हिड रुग्णालयाला भेट दिली. यावेळी आमदार रवींद्र चव्हाण, पालिका गटनेते शैलेश धात्रक उपस्थित होते. कोरोनाबाधित रुग्णसंख्या वाढीचा वेग लक्षात घेऊन सरकारने आरोग्य कर्मचाऱ्यांची तत्काळ नेमणुका कराव्यात, तसेच अधिकाधिक खाटा, आयसीयू आणि व्हेंटिलेटर्सची व्यवस्था करणे आवश्यक आहे. कोरोनाची लक्षणे दिसणाऱ्या रुग्णाला आवश्यकतेनुसार रुग्णालयात अथवा उपचार विलगीकरण केंद्रात दाखल करण्यावर भर देण्याच्या सूचना फडणवीस यांनी पालिका प्रशासनाला केल्या आहेत.

डोंबिवलीकडे पाठ
विरोधी पक्षनेते देवेंद्र फडणवीस डोंबिवलीत येणार नसल्याने समाजमाध्यमावर अनेकांनी नाराजी व्यक्त केली. 2015 मध्ये सार्वत्रिक निवडणुकीत 6500 कोटींच्या विकास प्रकल्पाचे काय झाले? असा प्रश्नही यावर विचारण्यात आला आहे. पत्री पूल, कोपर पूल बंद आहेत. शास्त्रीनगर रुग्णालयाची स्थिती भयावह आहे, त्याला घाबरुन त्यांनी डोंबिवलीकडे पाठ फिरवल्याची टीका महाराष्ट्र नवनिर्माण सेनेचे प्रदेश उपाध्यक्ष राजेश कदम यांनी केली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com