- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
ठाणे : डोंबिवली पूर्वेतील रहिवासी असलेले अमित पवार गेल्या शुक्रवारी काही कामानिमित्त त्यांच्या सरांना भेटायला गेले होते. सरांच्या आरोग्य सेतू अॅपवर त्यांच्या जवळपास हाय रिस्कमधील व्यक्ती वावरत असल्याचे आढळून आले. त्यावेळी मी जवळपास असल्याने त्यांनी अमित यांना आरोग्य सेतू अॅप चेक करण्यास सांगितले. बारकोड स्कॅनने ते चेक केले असता अमित यांना कोरोना पॉझिटिव्ह असल्याचे दाखवल्याने अमित यांना धक्काच बसला.
डोंबिवली पूर्वेतील अमित पवार यांच्यासोबत ही घटना घडली आहे. प्रत्यक्षात अमित पवार यांचे मामा कोरोना बाधित आहेत. परंतु महापालिका रुग्णालयाच्या कागदपत्रांवर अमित यांनी त्यांचा संपर्क क्रमांक लिहिल्याने आरोग्य सेतू अॅपवर त्यांनाच पॉझिटिव्ह दाखविण्यात आले आहे. याप्रकरणी अमित यांनी आरोग्य सेतू अॅपला मेल पाठवून चुक दुरुस्त करावी, असे कळवल्याचे अमित यांनी सांगितले.
डोंबिवली पूर्वेतील अमित पवार यांचे मामा (वय 57) यांची तब्येत ठिक नसल्याने त्यांची कोरोना चाचणी करण्यात आली. साधारण 11 जुलैला त्यांचा अहवाल कोरोना पॉझिटिव्ह आला. अहवाल पॉझिटिव्ह आल्याने मामा सुरुवातीला घाबरले. त्यांच्यासोबत कोणीच नसल्याने त्यांचा भाचा अमित याने त्यांना रुग्णालयात दाखल करण्यासाठी धडपड सुरु केली.
''डोंबिवलीत आम्हाला कुठेच बेड मिळाला नाही, अखेर ठाणे येथे मामांना उपचारासाठी दाखल केले आहे. यावेळी रुग्णालयाच्या कागदपत्रांवर मी माझा संपर्क क्रमांक दिला होता. यामुळे सुरुवातीला मलाही या क्रमांकावर पालिका प्रशानाच्यावतीने काही फोन येऊन तुम्ही कोरोना बाधित आहात, कुठे दाखल आहात, अशी विचारणा झाली होती. त्यावेळी मी त्यांना माझे मामा कोरोना बाधित असून ठाणे येथे उपचारार्थ दाखल आहेत. डोंबिवलीमध्ये त्यांना एखादा बेड मिळाला तर बरे होईल अशी विचारणाही केली होती. परंतू त्याविषयी काहीही माहिती दिली गेली नाही.''
''माझ्या मोबाईल नंबर आरोग्य सेतू अॅपवर नोंदविलेला आहे. महापालिकेत मी माझा संपर्क क्रमांक दिल्याने मी पॉझिटिव्ह नसूनही अशी नोंद त्या अॅपवर झाली आहे. ही चुकीची नोंदणी रद्द करावी अशी विनंती आम्ही आरोग्य सेतू अॅपच्या हेल्पलाईन क्रमांकावर केली आहे. तसेच त्यांना मेलही पाठविला,'' असे अमित पवार यांनी सांगितले.
----
संपादन : ऋषिराज तायडे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.