
शहापूर : कोरोनाची वाढती रुग्णसंख्या लक्षात घेत शहापूर नगरपंचायतीने 31 जुलैपर्यंत प्रतिबंधात्मक आदेश काढला आहे. या आदेशान्वये बाजारपेठेत सम-विषम तारखेनुसार दुकाने सुरू राहणार असल्याचे पत्र नगराध्यक्षा व मुख्य कार्यकारी अधिकारी शहापूर नगरपंचायत यांनी प्रसिद्ध केले आहे.
शहापूर नगरपंच्यायतीने 31 जुलैपर्यंत काढलेल्या प्रतिबंधात्मक आदेशानुसार मार्केट व मॉल वगळता सर्व प्रकारची दुकाने आस्थापना सम व विषम तारखांना सकाळी 9 ते सायंकाळी 7 वाजेपर्यंत सुरू राहतील. त्यानुसार भारंगी नदी-जगे सॉमिल ते शासकीय विश्रामगृहाची बाजूकडील शहराचा भाग सम तारखेला, तर डोंबिवली नागरी बॅंक ते गणेश स्वीट्च्या बाजूकडील शहराचा भाग हा विषम तारीख ठेवण्यात आली आहे. या आदेशाचे सोमवारी दुकानदारांनी अंमलबजावणी केल्याचे चित्र दिसून आले.
या आदेशानुसार विक्रेत्यांनी मास्क वापरणे, सॅनिटायझर वापरणे, ग्राहकांच्या वापरासाठी ही सॅनिटायसर दुकानाच्या दर्शनी भागात ठेवणे, ग्राहकांची गर्दी होऊ न देणे आणि सोशल डिस्टन्सिंगचे पालन करणे व मास्क लावणे बंधनकारक करण्यात आले आहे.
नियमांचे उल्लंघन करणाऱ्यांना दंड
दुकानदारांनी नियमांचे पालन न केल्यास एक हजार रुपये दंड वसूल करण्यात येईल व कडक कारवाई करण्यात येईल, असे प्रशासनाकडून स्पष्ट करण्यात आले आहे.
(संपादन : वैभव गाटे)
Permission to open shops in Shahapur, but 'this' rule is binding
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.