लाल मिरची लागली झोंबू! कोरोनाच्या प्रादुर्भावातही सुकलेल्या लाल मिरचीचे भाव दुप्पट... 

विक्रमगड: मे महिना उजाडला म्हणजे ग्रामीण भागातील गृहिणींना काळजी लागते ती घरातील मसाला-हळद, कांदा-लसूण-खोबऱ्याच्या साठवणुकीची. त्यातच ग्रामीण भागातील महिला या मसाला आणि हळद  वर्षभर पुरेल एवढी 
मसाला व हळदीची साठवणूक करून ठेवत असतात. मात्र या वर्षी मसाला करण्यासाठी लागणाऱ्या लाल मिरचीचे भाव गृहिणींना झोंबू लागले आहेत.    

ट्रेन्सचं ऑनलाईन बुकिंग आजपासून होणार सुरु, कसं कराल ऑनलाईन बुकिंग? जाणून घ्या 

कोरोनाच्या रोगाच्या प्रादुर्भावामुळे मसाला करण्यासाठी लागणाऱ्या सुकलेल्या लाल मिरचीचे भाव दुपटीने वाढले आहेत. मागील वर्षी 120  रुपये किलो दराने विकली जाणारी तिखट मिरची या वर्षी दुप्पट भावाने विकली जात आहे. महाराष्ट्रात आंध्रप्रदेश,कर्नाटक, तेलंगणा तसेच मध्यप्रदेश मधून लाल मिरची येत असते. मात्र कोरोनामुले देशात राज्यांच्या सीमा बंद करण्यात आल्या आहेत. त्याचा परिणाम पुरवठ्यावर होऊ लागल्याने कमी आवक होत असल्याने दुकानदारांनी देखील मिरची चढ्या दराने विकण्यास सुरवात केली असल्याने या मिरचीचे भाव महिलांसाठी तिखट बनू लागले आहेत.

     तिखट असलेली लावनगी मिरची 200 रुपये किलो,
 कमी तिखट असलेली पांडी मिरची-220 रुपये किलो, मसाल्याला लाल रंग येण्यासाठी  वापरण्यात येणारी कास्मिरी मिरची-440 रुपये किलो, शंकेश्वरी मिरची -380 रुपये किलो तर रस्सा जाड होण्यासाठी मसाल्यामध्ये टाकण्यात येत असलेली बेडकी मिरची-350 रुपये किलो, रेशम पट्टा  मिरची -450 रुपये किलो दराने सध्या व्यापारी विकत आहेत.

आरोग्य यंत्रणांवरील ताण होणार कमी, नवीन डिस्चार्ज पॉलिसी उपयोगी ठरणार का ?

   मागीही वर्षी या सर्व मिरच्यांचे भाव 100  ते 150 रुपयांनी कमी होते. प्रत्तेक घरी सरासरी 7 ते 10 किलो मसाला बनवला जातो.म्हणजेच प्रत्तेक घरातून व्यापारी या वर्षी 700 ते 1000 रुपयांची लूट करताना दिसत आहेत. 

    खर तर या वर्षी लॉकडाऊन मुले हिरवी मिरचीला मागणी नसल्याने शेतकऱ्यांवर ही मिरची सुकविण्याची वेळ अली आहे. त्यामुळे शेतकऱ्यांकडून कवडीमोल दराने ही मिरची विकत घेऊन व्यापारी चढ्या दराने बाजारात विकत असल्याचे दिसत आहे. या लॉकडाऊनचा फायदा दलाल आणि व्यापारी वर्ग उठवताना दिसत असून या लूट करणाऱ्या व्यापाऱ्यांवर वचक कोण ठेवणार हाच मोठा प्रश्न सर्वसामान्य गृहिणींना आणि नागरिकांना पडला आहे.