Bus Fare Hike: मुंबईकरांचा प्रवास महागला! खासगी बसच्या भाड्यात मोठी वाढ; ३ तासाच्या प्रवासाचे ३,३३३ रुपये दर

मुंबई : उन्हाळी सुट्टीच्या निमित्ताने गावी गेलेले मुंबईतील नोकरदार, विद्यार्थी आता परतीच्या प्रवासाची तयारी करीत आहेत; मात्र मुंबईला परतण्यासाठी त्यांना अव्वाच्या सव्वा पैसे मोजावे लागत आहेत. इंधन दरवाढीचे निमित्त करीत खासगी बसचालकांनी बसभाड्यात तब्बल अडीच पट वाढ केली आहे.