कर्जतमध्ये पार्किंग फलक झुडपांत 

नेरळः कर्जत शहरातील वाहतूक समस्या दररोज सर्वांच्या त्रासाचा विषय बनली आहे. वाहतूक सुरळीत राहावी यासाठी टोईंग व्हॅन काम करीत आहे. त्याचवेळी शहरात सम आणि विषय असे दिवस सर्व रस्त्यांवर वाहने पार्किंग करण्यासाठी ठरवून दिले आहेत. असे असतानाही वाहतूक कोंडी शहराची समस्या बनली आहे; पण शहरात रस्त्यावरील पार्किंगची माहिती देणारे फलक पावसाळ्यात वाढलेल्या झुडपांत हरवून गेले आहेत. त्यामुळे रस्त्यावर अनधिकृत वाहने उभी करून जाण्याचे प्रमाण वाढले आहे.

अल्पवयीन मुलीशी चाळे करणारा अटकेत
 
कर्जत शहरात गेल्या काही वर्षांत वाहनांची वर्दळ वाढली आहे. शहरातील रस्ते मोठे आणि रुंद झाले आहेत. त्यामुळे वाहतूक कोंडीचे प्रमाण वाढले आहे. वाहने रस्त्यावर लावली जात असल्याने बाजारपेठेतील व्यापाऱ्यांच्या दुकानात ग्राहक फिरकत नसल्याने त्यांच्या व्यवसायावरही कोंडीचा आणि बेशिस्त पार्किंगचा फटका बसत आहे. वाहतूक नियमावलीनुसार शहरात दुचाकी वाहनांची पार्किंग शहरातील पालिकेच्या मालकीच्या सर्व रस्त्यांवर राबविली जात आहे. त्यासाठी सर्व रस्त्यांवर ठराविक अंतर सोडून सम आणि विषम तारखेला पार्किंग करण्याबाबत जाहीरपणे फलक लावून कळविले होते; पण तेच नामफलक झुडपांत गडब झाले आहेत. पावसाळ्यात वाढलेली गवताची झाडे आजही आहेत तशी आहेत. त्यामुळे वाहने कोठे लावावीत असा प्रश्‍न पडत आहे. याबाबतची माहिती पालिकेला नाही. त्याचा फटका शहरात वाहतूक कोंडी होण्यावर होत आहे. 

बाजारपेठेत दररोज कुठेही वाहने लावली जात असून, त्यामुळे वाहतूक कोंडी तर होतेच; परंतु आमच्यासारख्या लहान व्यावसायिकांच्या दुकानात कोणी फिरकत नाही. वाहतूक समस्यांवर मात करण्यासाठी पालिकेने अनेक सुधारणा केल्या आहेत; मात्र त्यांची अंमलबजावणी कठोरपणे करण्याची गरज आहे. 
- विशाल जोशी, नागरिक