मुंबई ः केंद्र सरकारने चित्रपटगृहे 15 ऑक्टोबरपासून उघडण्याची परवानगी दिली आहे, त्यामुळ अक्षय कुमारचा सूर्यवंशी हा चित्रपट  दिवाळीत प्रदर्शित होऊ शकतो अशी चर्चा रंगली होती. पण चाहत्यांना या चित्रपटासाठी आणखी प्रतीक्षा करावी लागेल असे समोर आले आहे.

ही बातमी वाचली का? चाहत्याने हॉटेलचं नाव बदलून दिलं सोनू सूदचं नाव, वाचा काय होती सोनूची प्रतिक्रिया

पन्नास  टक्के  प्रेक्षक संख्या ठेऊन चित्रपटगृह सुरू करण्याची परवानगी केंद्र सरकारने दिली आहे. पण 15 ऑक्टोबरनंतर चित्रपटगृह संपूर्णरीत्या सुरू होतील की नाही याची माहिती अजून समोर आलेली नाही. महाराष्ट्र सरकारने अजूनही थिएटर उघडण्यासंदर्भात काही माहिती दिली नाही. केवळ लवकरच सुरू होतील असे सांगण्यात आले आहे. मात्र माहिती व प्रसारण मंत्रालय लवकरच थिएटर संदर्भात मार्गदर्शक सूचना जारी करील, अशी शक्यता वाटते. त्यामुळे दिवाळीच्या दिवशी 'सूर्यवंशी' हा चित्रपट रिलीज होणार नाही हे निश्चित झाले आहे. 

ही बातमी वाचली का? अभिनेत्री जेनेलिया देशमुख बॉलीवूडमध्ये करणार कमबॅक, 'ही' भूमिका मिळाल्यास आनंदच

अक्षयचा 'सूर्यवंशी' आणि रणवीर सिंगचा '83' रिलीज कधी होणार हे अद्याप स्पष्ट झालेले नाही. डिसेंबर ते मार्च या कालावधीत हे चित्रपट प्रदर्शित होण्याची दाट शक्यता आहे. रोहित शेट्टी यांच्या दिग्दर्शित 'सूर्यवंशी' हा चित्रपट 24 मार्च 2020 रोजी प्रदर्शित होणार होता. या चित्रपटातून अक्षय कुमार आणि कतरिना कैफ ही जोडी आपल्याला पहायला मिळणार आहे.
--------------------------
(संपादन : गोरक्षनाथ ठाकरे)