वसई : वसई-विरार शहर महापालिकेचे अधिकारी व कर्मचारी टाळेबंदीतही काम करत आहेत. कोरोनाचा संसर्ग होऊ नये याची खबरदारी म्हणून महापालिकेचे आयुक्त डी. गंगाधरन यांनी अधिकारी व कर्मचाऱ्यांना कामावर येण्यास सूट देण्याचा महत्त्वपूर्ण निर्णय घेतला आहे.
टाळेबंदीपासून रोज स्वच्छता, आरोग्य यासह अन्य विभागाचे कर्मचारी व अधिकारी काम करत आहेत यातील अनेक जण ज्येष्ठ आहेत; परंतु जीवाची पर्वा न करता कोरोनाचा लढा कायम ठेवत आहेत; मात्र यातील 55 वर्षावरील अधिकारी, कर्मचाऱ्यांना कामावर येण्यास सूट देण्यात आली आहे. तसेच स्वच्छतादूतांना महिन्यातून दहा दिवस रजा देण्यात आली आहे.
तर जे स्थायी व अस्थायी स्वरूपात काम करत आहेत व ज्यांना मधुमेह, हृदयविकार, रोग प्रतिकार शक्ती कमी आहे अशांना सवलत देण्यात आली आहे. यातील बरेचशे कर्मचारी महापालिका हद्दीबाहेर राहत असून, त्यांना रोज कामावर न बोलावता दिवसाआड येण्याची मुभा दिली जाणार असल्याने अधिकारी आणि कर्मचाऱ्यांना ताण कमी होणार आहे. या निर्णयाचे अधिकारी व कर्मचाऱ्यांनी स्वागत केले.
वैद्यकीय प्रमाणपत्र पाहून अधिकारी व कर्मचाऱ्यांना सूट देण्याचा निर्णय महापालिकेच्या आयुक्तांनी घेतला आहे. अत्यावश्यक सेवेतील वगळून अन्य कर्मचाऱ्यांना सवलत दिली आहे.
- रमेश मनाले, अतिरिक्त आयुक्त, वसई-विरार महापालिका
To senior employees not compulsory to come at work, Decision of Vasai-Virar Municipal Corporation
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.