मोठी बातमी - विनायक मेटे यांचा राजीनामा

शिवस्मारकाचं काम लवकरात लवकर पूर्ण व्हावं अशी इच्छा व्यक्त करत शिवसंग्रामचे अध्यक्ष आणि आमदार विनायक मेटे यांनी शिवाजी महाराज स्मारक प्रकल्प अंमलबजावणी, देखरेख आणि समन्वय समितीचा राजीनामा दिला आहे.  २०१५ साली महाराष्ट्राचे तत्कालीन मुख्यमंत्री देवेंद्र फडणवीस यांनी विनायक मेटे यांची छत्रपती शिवाजी महाराज स्मारक प्रकल्प अंमलबजावणी, देखरेख आणि समन्वय समितीच्या अध्यक्षपदी नियुक्ती केली होती.  

मोठी बातमी -  'मला कोरोना व्हायरसचा संसर्ग झालाय' सांगितल्यावर बलात्कारी गेला पळून..

महाराष्ट्रात आता सत्तापालट झालाय. अशात राज्यात महाविकास आघाडीचं सरकार आहे. या पार्श्वभूमीवर, " उद्धवजी आपल्या नेतृत्वाखाली महाविकास आघाडीचे सरकार सत्तेवर आले असल्यामुळे आपल्या विचारानुसार इतर विकास कामे होणं अपेक्षित आहे. तसेच छत्रपती शिवाजी महाराज स्मारकाचे काम सुध्दा आपल्या विचारानुसार व्हावे म्हणून मी छत्रपती शिवाजी महाराज स्मारक प्रकल्प अंमलबजावणी, देखरेख आणि समन्वय समितीच्या अध्यक्षपदाचा राजीनामा देत आहे. कृपया आपण राजीनामा स्वीकारावा", असं पत्र विनायक मेटे यांनी महाराष्ट्राचे मुख्यमंत्री उद्धव ठाकरे यांना सुपूर्त केलंय. "आपल्या नेतृत्वाखाली महाराजांचे स्मारक लवकरात लवकर पूर्ण होवो, भविष्यामध्ये लागल्यास माझे सहकार्य सदैव राहील", असंही मेटे यांनी पत्रात नमूद केलंय.  

मोठी बातमी - नवी मुंबई राखण्यासाठी भाजपने आखला 'हा' प्लॅन... 

दरम्यान विनायक मेटे यांनी महाविकास आघाडी सरकार शिवस्मारकाबद्दल कोणत्याच बैठका बोलावत नसल्याने नाराज होत राजीनामा दिल्याच्या देखील राजकीय वर्तुळात चर्चा आहेत. 

shivsangram leader vinayak mete resigned from the post of president of shivsmarak coordination committee