संगीतकार मिलिंद इंगळे यांच्या मातोश्री शुभदा इंगळे यांचे निधन

मुंबई : सुप्रसिद्ध गायक व संगीतकार मिलिंद इंगळे यांच्या मातोश्री शुभदा इंगळे यांचे काल (ता 29 एप्रिल) मुंबईमध्ये वृद्धापकाळामुळे निधन झाले. त्या 84 वर्षांच्या होत्या. त्यांच्या पश्चात मुलगा संगीतकार व गायक मिलिंद इंगळे, सून आणि नातू असा परिवार आहे. मिलिंद इंगळे यांचे त्यांच्या आईसोबत अतिशय जवळचे नाते होते. आईच्या जाण्याने त्यांनी मायेची छाया हरपली असल्याची भावना व्यक्त केली. सिनेसृष्टीतील अनेकांनी त्यांना फोन करून त्यांचे सांत्वन केले आहे.