Eknath Shinde: काँग्रेसला राहुल गांधींना लॉन्च करता आले नाही; मुख्यमंत्र्यांनी लगावला टोला
Thane News: पंतप्रधान नरेंद्र मोदी यांच्या नेतृत्वाखाली इस्रोने चंद्रयान लॉन्च केले, पण ५० वर्षात काँग्रेसला राहुल गांधी यांचे लॉन्चिंग करता आले नाही, अशी टीका मुख्यमंत्री एकनाथ शिंदे यांनी ठाण्यात शिवसेना ठाणे महिला आघाडी आयोजित सखी महोत्सवात केली.(eknath shinde on rahul gandhi)
हायलँड पार्क येथे आयोजित केलेल्या सखी महोत्सवात प्रमुख मार्गदर्शक म्हणून भाषण करताना, त्यांनी विरोधकांवर टीकास्त्र सोडले. शिंदे यांनी आज बाळासाहेब ठाकरे, आनंद दिघे यांचा आदर्श डोळ्यासमोर ठेवून आपण पुढे चाललोय. (anad dighe ekanth shinde)
बाळासाहेबांच्या विचारांचा सरकार आपण स्थापन केले आहे. खरं म्हणजे २०१९ला बाळासाहेबांच्या विचारांचा आणि या महाराष्ट्रातल्या तमाम जनतेच्या मनातले सरकार स्थापन व्हायला पाहिजे होते. परंतु काहीनी स्वतःच्या स्वार्थासाठी, खुर्चीच्या मोहासाठी बाळासाहेबांचे विचार सोडले. तसेच धनुष्यबाण सोडला.
त्या काँग्रेसला खांद्यावर डोक्यावर घेतले अशी टीका नाव न घेता त्यांनी उद्धव ठाकरे यांच्यावर टीका केली. याशिवाय बाळासाहेबांनी सांगितले होते, माझी शिवसेना काँग्रेस होऊ देणार नाही. याचा विसर तुम्हाला पडला आणि तुम्ही अभद्र युती केली. मात्र आम्ही ती दुरुस्त केली.
अहंकारामुळे या राज्याला खड्ड्यात घालण्याचे काम उद्धव ठाकरे यांनी केले. पण, एकनाथ शिंदे, देवेंद्र फडणवीस, अजित पवार यांनी या राज्याला पुढे नेण्याचे काम केले. आज हे डबल इंजिन सरकार म्हणून आपण काम करतोय.
मोदी या देशाला पुढे घेऊन चालले आहे. त्यांनी दहा वर्षात एकही सुट्टी घेतली नाही. या सरकारने महिलांना या शक्तिशाली बनवण्याचा निर्णय घेतला आहे. तर काही लोक महिलांची टिंगल करतात. काल-परवा अमरावतीला महिलांना अपशब्द वापरण्याचे काम केले. महिलांचा अपमान ज्यांनी केलाय त्यांना या निवडणुकीमध्ये ही महिला शक्ती घरी बसवल्याशिवाय राहणार नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.