Crime News: पोलिसांची मोठी कारवाई; दोघा हद्दपारांना केली अटक

Thane News: पोलिसांचा मनाई आदेश धुडकावून प्रतिबंधित परिसरात लपून वावर करणाऱ्या दोघांना ठाणे पोलिसांनी ताब्यात घेतले आहे. याप्रकरणी श्रीनगर आणि ठाणेनगर पोलिस ठाण्यात गुन्हा दाखल आहे.

ठाणे नगर पोलिस ठाण्याच्या हद्दीतून वैभव कोळी (४०, रा.चेंदणी कोळीवाडा, कोपरी, ठाणे पूर्व) याला पोलिस उपआयुक्त परिमंडळ- ५ यांनी दोन वर्षांकरिता मुंबई शहर, मुंबई उपनगर, ठाणे, पालघर, रायगड जिल्ह्यांतून हद्दपार केले होते.

तर वागळे परिसरात राहणारा राकेश जाधव याला ठाणे शहर, मुंबई शहर, मुंबई उपनगर, नवी मुंबईतून १८ महिन्यांकरिता हद्दपार करण्यात आले होते. मात्र, दोघेही प्रतिबंधित परिसरात वावरताना आढळल्याने पोलिसांनी अटक केली आहे.