अंगणवाडीसेविका बनली कायद्याची तज्ज्ञ

भिवंडी, ता. १६ (बातमीदार) : शिक्षणासाठी वय किंवा परिस्थिती अडथळा ठरत नाही. भिवंडीतील नारपोली भागात राहणाऱ्या उषा मुंढे-पाटील यांनी त्यांच्या प्रयत्नातून सिद्ध केले आहे. कारण लहानपणापासून वकील होण्याचे स्वप्न त्यांनी जिद्दीने पूर्ण केले आहे.
भंडारी कंपाउंड येथील अंगणवाडी क्रमांक ८२ मध्ये अंगणवाडी सेविका म्हणून कार्यरत असलेल्या उषा मुंढे-पाटील यांनी २०१३ साली बारावीपर्यंत शिक्षण घेतले. त्यांची आई महिला बचत गट तथा समाजसेविका असल्याने महिलांच्या प्रश्नाबाबत नेहमी घरात चर्चा घडत होत्या. अशा परिस्थितीत आर्थिक अडचणी, कौटुंबिक जबाबदाऱ्या तसेच कामाचा व्याप सांभाळत त्यांनी एलएलबी (कायदा पदवी) परीक्षा उत्तीर्ण झाल्या आहेत. त्यासाठी २०२५ साली भिवंडीतील साई सेवा शिक्षण प्रसारक मंडळाचे इंद्रपाल चौगुले लॉ कॉलेज येथे त्यांनी कायद्याचे शिक्षण घेतले आहे. त्यांच्या या यशामुळे महिला सक्षमीकरणाच्या दिशेने एक सकारात्मक ऊर्जा निर्माण झाली आहे. तसेच समाजातील इतर महिलांनीही स्वप्नांचा पाठपुरावा करावा, यांचा संदेश त्यांनी कृतीतून दिला आहे.
---------------------------------
दृढ निश्चयाची गरज
एकात्मिक बालविकास प्रकल्पाचे सर्व अंगणवाडी सेविका, मित्रमंडळी, नातेवाईक, हितचिंतकांचे विशेष कौतुक करून त्यांना शुभेच्छा दिल्या. या वेळी कामासोबत शिक्षणदेखील शक्य होते. यासाठी दृढ निश्चयाची गरज असल्याचे वकील उषा मुंढे-पाटील यांनी सांगितले.