धारावीत शौचालयाच्या टाकीचा स्फोट

मुंबई : धारावी येथे शनिवारी (ता. 1) सकाळी शौचालयाच्या टाकीचा स्फोट होऊन पाच जण जखमी झाले. शीव येथील लोकमान्य टिळक रुग्णालयात त्यांच्यावर उपचार सुरू आहेत. या घटनेमुळे धारावी परिसरात भीतीचे वातावरण पसरले आहे.

हे वाचा या फोटोतील सरडा शोधा..

शनिवारी सकाळी धारावीतील प्रेमनगर येथे शौचालयाच्या टाकीचा स्फोट होऊन शौचालयाचा काही भाग कोसळला. या घटनेत चंद्रशेखर जैस्वाल, चंद्रा शेखर, हमीद खान, कमलेश जैस्वाल व पलचंद्रा चौबे हे पाच जण जखमी झाले. त्यांना शीव येथील लोकमान्य टिळक रुग्णालयात दाखल करण्यात आले आहे. एका जखमीची प्रकृती चिंताजनक असल्याचे सांगण्यात आले.

हे वाचलेय का... व्हॅलेटाईन्स-डेसाठी थेट मॉलमधून पार्टनर घ्या भाड्यावर..

या घटनेमुळे मुंबईतील सार्वजनिक शौचालये असुरक्षित असल्याची चर्चा सुरू झाली आहे. काही महिन्यांपूर्वी भांडुप येथे शौचालयाचा भाग कोसळून एका महिलेचा मृत्यू झाला. त्यानंतर आता पुन्हा अशा प्रकारची दुर्घटना घडली आहे. याकडे महापालिका प्रशासनाने लक्ष द्यावे आणि नागरिकांच्या सुरक्षेची काळजी घ्यावी, अशी मागणी होत आहे.