‘या’ मार्गावर प्रवाशांचा जीव धोक्‍यात

नागोठणे : पाली - नागोठणे मार्गावरील महत्त्वाच्या वाकण नाक्‍याच्या थोडे पुढे केवळ १०० ते १५० मीटर अंतरावर असलेल्या तीव्र वळणावर आज झालेल्या अपघातानंतर हे ठिकाण पुन्हा चर्चेत आले आहे. या ठिकाणी पूर्वीही अनेक अपघात झाले आहेत. त्यामुळे हे धोकादायक वळण हटवण्याची मागणी होत आहे. 

मुंबई-गोवा महामार्गावरून मुंबई, गोवा, रोहा, खोपोली पुण्याकडे जाण्यासाठी वाकण नाका महत्त्वाचा ठरतो. काही वर्षांत तर या नाक्‍यावरून खोपोली, पुणे, महाड, धाटाव, विळे-भागाड औद्योगिक क्षेत्रात या बाजूंकडे येणाऱ्या जाणाऱ्या वाहनांच्या संख्येत मोठ्या प्रमाणात वाढ झाली आहे. 

तरुणांना खूशखबर... मुंबईत नाईट लाईफ लवकरच पण.... वाचा काय पुढे ते

नागमोडी व अरूंद धोकादायक वळणे या रस्त्यावर असूनही एमएसआरडीसीने या मार्गाकडे म्हणावे तसे लक्ष दिले नाही. वाकण ते पाली या आठ किलोमीटरच्या अंतरातील रस्त्याची तर पावसाळ्यात दरवर्षी भयानक दुर्दशा झाल्‍याचे समोर आले आहे. मात्र केवळ थातुर मातुर खड्डे भरण्यापलिकडे एमएसआरडीसी या रस्त्याच्या बाबतीत उदासीन आहे. याचाच परिणाम म्हणून या वाकण - पाली रस्त्यावरील वळणावर अनेक अपघात झालेले आहेत. 

वळणाच्या एका बाजूला डोंगर, तर दुसऱ्या बाजूला अंबा नदीचे पात्र आहे. या रस्त्यावर असलेल्या अनेक धोकादायक वळणांपैकीच वाकण नाक्‍याजवळ असलेल्या या वळणावरही अनेक लहान-मोठे अपघात यापूर्वीही झाले आहेत. या अपघातांस अवजड वाहनेच कारणीभूत ठरल्याचे तपासात पुढे आले आहे. असे असूनही या वळणाच्या ठिकाणी रस्त्याचे आवश्‍यक ते रुंदीकरण करण्यात आलेले नाही, ही शोकांतिका आहे. भविष्यात डोंगराळ बाजूकडे खोदकाम करून या ठिकाणी रस्त्याचे रुंदीकरण करून येथील अपघातांची मालिका खंडित करण्याचे काम एमएसआरडीसीने करणे गरजेचे आहे. 

नवीन उपक्रम... आता टीएमटीच्‍या बसमध्‍ये भरणार शाळा... कशी असणार शाळा वाचा

वाकण-पाली मार्गाच्या कामातील वळणांच्या रुंदीकरणात वनखात्याचा अडथळा येत आहे. याबाबत प्रस्ताव सादर करण्यात आला. याविषयी सर्व प्रक्रिया पूर्ण करून वळणांवर आवश्‍यक त्या उपाययोजना करण्यात येणार आहेत. 
- सचिन निफाडे, उपअभियंता, एमएसआरडीसी

वाकण-पाली मार्गाचे चौपदरीकरण करणार आहे. मात्र, त्या आधी या मार्गातील धोकादायक वळणे हटवून रुंदीकरण करणे आवश्‍यक आहे. 
- किशोर म्हात्रे, माजी उपाध्यक्ष, भाजप, रायगड