मुंबई - आज भारताचा प्रजासत्ताक दिन. मुंबईत शिवाजीपार्कवर तर दिल्लीत राजपथावर प्रजासत्ताक दिनानिमित्त खास परेडचं आयोजन करण्यात येतं. राजपथावरील प्रजासत्ताक दिनाच्या परेडसाठी देशभरातून हजारो नागरिक येत असतात. या आधी देखील दरवर्षी प्रजासत्ताक दिनाच्या कार्यक्रमाला अनेक मान्यवर पाहुणे आले आहेत. यामध्ये बाराक ओबामा, डोनाल्ड ट्रम्प आदींची नाव आहेत. दरम्यान, यंदाच्या प्रजासत्ताक दिनाच्या संचलन सोहळ्याचे प्रमुख पाहुणे असतील ब्राझीलचे अध्यक्ष जेर मेस्सियास बोल्सोनारो. स्वतः भारताचे पंतप्रधान नरेंद्र मोदी यांनी बोल्सेनारो यांना प्रजासत्ताक दिनाच्या कार्यक्रमाचं निमंत्रण दिलं होतं.
एक नजर टाकुयात अध्यक्ष जेर मेस्सियास यांच्या कारकिर्दीवर :
ब्राझीलच्या निमित्ताने दक्षिण अमेरिका खंडातील देशांशी संबंध वृद्धिंगत करण्यास भारताने प्राधान्य दिले असून, त्या अंतर्गत ब्राझीलच्या अध्यक्षांना प्रजासत्ताक दिन सोहळ्याचे प्रमुख पाहुणे म्हणून निमंत्रण देण्यात आले आहे.
त्यांच्यासमवेत येणाऱ्या शिष्टमंडळात सात मंत्री, तेथील संसदेतील ब्राझील-भारत मैत्री गटाचे प्रमुख तसेच अधिकारी आणि उद्योजकांचाही समावेश असेल. अध्यक्ष बोल्सेनारो २७ जानेवारीला भारतीय-ब्राझील उद्योजक मंचाच्या व्यासपीठावरून दोन्ही देशांच्या उद्योजकांशी संवादही साधतील.
ब्राझीलचे अध्यक्ष बोल्सेनारो यांचा भारत दौरा शुक्रवार म्हणजेच २४ जानेवारीपासून सुरु झालाय. बोल्सेनारो सोमवारी म्हणजेच २७, जानेवारीला मायदेशी रवाना होणार आहेत.
who is republic day chief guest jair messias bolsonaro detail profile and controversies
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.