Navratri : नवरात्रीत सर्वाधिक कंडोम विक्रीमागचं कारणं तुम्हाला माहितीये?

Condom sale Increases in Navratri : नवरात्र म्हटलं की, उत्साह, आनंद आणि गरबा हे चटकन डोळ्यासमोर येतं. नटून थटून आलेले तरूण तरूणी, रात्री रंगलेला गरब्याचा खेळ आणि स्वच्छंदी माहोल सर्वांनाच भूरळ घालतो. अशावेळी कंडोमची विक्री वाढते असे एका सर्वेक्षणातून समोर आले आहे.

याकाळात गरबा डान्स कोरिओग्राफर, सेलिब्रिटीजला जशी मागणी वाढलेली असते तशी कंडोमचीही मागणी वाढत असल्याचं समोर आलं आहे. याशिवाय गर्भनिरोधक गोळ्या आणि प्रायव्हेट डिटेक्टिव्ह यांचीपण मागणी वाढते. आपल्या मुलांविषयी चिंता वाटणारे पालक मुलांवर लक्ष ठेवायला असे डिटेक्टिव्ह नेमणं सोयीचं समजतात, असं सर्वेक्षणातून निदर्शनास आलं आहे.

काय आहेत कारणं?

तज्ज्ञांच मत आहे की, यात सिनेमाचा वाटा मोठा आहे. गरबा हा पूर्वापार खेळला जातो. आराधनेचा भाग म्हणून सुरू झालेल्या या गरब्याला सिनेमाने मोठे ग्लॅमर दिले. यावेळी तरूण तरूणी नटूनथटून गरबा खेळू लागले आणि त्यांच्यात आकर्षण निर्माण होणं ही निसर्ग सुलभ प्रक्रिया आहे. याशिवाय तज्ज्ञांच्या मते अजून दोन कारणं ठळक आहेत.

1. ऑक्टोबर महिन्याची उष्णता आणि रात्रीची हलकीशी थंडी यामुळे रात्री एक अल्हाददायक वातावरण निर्माण होतं. या काळात काही हार्मोनल बदल होऊन जोडपी आपसूकच सेक्सकडे वळतात.

2. त्याचप्रमाणे गरबा खेळण्यासाठी रात्री उशिरापर्यंत घराबाहेर राहण्याची मुलांना परवानगी मिळालेली असते. त्यामुळे या काळात आपण बंधनमुक्त असल्याची भावना निर्माण होते. नवरात्रीच्या काळात दांडिया उत्सव गरबा खेळण्याच्या निमित्ताने तरुण तरुणी एकत्र येतात. शारीरिक जवळीकतेमुळे आकर्षण वाढणे हे नैसर्गिकच आहे. म्हणूनच अशावेळी जोडप्यांमध्ये संबंध निर्माण होणे साहजिक आहे, असे तज्ज्ञांचं मत आहे.

संबंध ठेवणे हा ज्याचा त्याचा वैयक्तिक प्रश्न असला तरी यात गैर काही नाही, ही नैसर्गिक बाब आहे. पण यासोबत भविष्यात निर्माण होणाऱ्या समस्यांना तोंड देण्याची आपल्यात क्षमता आहे का, याचा आधी विचार करावा.