कोणी, किती आणि काहीही म्हंटले तरी गोकुळमध्ये सत्तांतर होणारच ; गृहराज्यमंत्र्याचा विश्वास

कोल्हापूर : जिल्हा दूध संघाच्या (गोकुळ) निवडणूकीत ग्रामविकासमंत्री हसन मुश्रीफ, आमदार विनय कोरे यांच्यासह लोकसभा निवडणूकी दरम्यान झालेली युनिटीही एकत्रच असणार आहे. जिल्हा, तालुका आणि गाव पातळीवर याचे नियोजन आहे. त्यामुळे, कोणी किती आणि काहीही म्हंटले तरीही गोकुळमध्ये सत्ता बदल हा होणार हे निश्‍चित असल्याचा विश्‍वास गृहराज्यमंत्री व कोल्हापूरचे पालकमंत्री सतेज पाटील यांनी सांगितले. कोल्हापूर प्रेस क्‍लब येथे झालेल्या पत्रकार परिषदेतंनतर पत्रकारांनी गोकुळ संबंधीत विचारलेल्या प्रश्‍नाला त्यांनी उत्तर दिले. 

हेही वाचा - आता काँग्रेसवर टीका करणारेच उद्या काँग्रेस पक्षात येतील -

यावेळी पाटील म्हणाले, जिल्ह्यातील शेतकऱ्यांचा आधारवड असणाऱ्या गोकुळचा कारभार चुकीच्यापध्दतीने सुरु आहे. गाय व म्हैसीच्या दुधाला अपेक्षीत दर मिळत नाही. हे सर्वश्रुत आहे. त्यामुळे गोकुळच्या येणाऱ्या निवडणूकीत सत्तांतर करण्याचेच सभासदांनीही ठरवलं आहे. यासाठी ग्रामविकासमंत्री हसन मुश्रीफ, आमदार विनय कोरे यांच्यासह कॉंग्रेस, राष्ट्रवादी, जनसुराज्य शक्तीसह इतर दिग्गजही या 'युनिटी'सोबत असणार आहेत.

गोकुळची निवडणूक जाहीर होताच ही सर्व यंत्रणा गतीमान होईल. गोकुळ निवडणूकीबाबत आमच्या 'युनिटी' बाबात अनेक ठिकाणी बोलले जाते. पण काही काहीही म्हंटले तरीही ही युनिटीच गोकुळमध्ये सत्ता परिवर्तन करणार आहे. असा विश्‍वासही पालकमंत्री पाटील यांनी व्यक्त केला.  

संपादन - स्नेहल कदम