या ग्रामसभेस गावातील २२२९ ग्रामस्थ उपस्थित होते. महिलांची उपस्थिती लक्षणीय होती.
आरग : बेडग (ता. मिरज) येथील ग्रामसभेत गावामध्ये कोणत्याही महापुरुषांची कमान नको, मुलांसाठी वाचनालय करा, असा ठराव बहुमताने घेण्यात आला. बेडगेच्या इतिहासात पहिल्यांदा एवढ्या मोठ्या संख्येने नागरिक उपस्थित होते.
पंचायत समितीच्या पत्राद्वारे ग्रामसभा आयोजित करण्यात आली होती. हात उंचावून ग्रामस्थांनी कोणतीही कमान (Dr. Babasaheb Ambedkar Arch Dispute) न बांधण्याचा ठराव संमत केला. यावेळी आंबेडकरी समाजातील जनता कमान न बांधण्याचा ठराव संमत होताच ग्रामसभेतून बाहेर पडली. ग्रामसभेसाठी नागरिकांनी मोठी गर्दी केली होती.
ग्रामस्थांचे आधारकार्ड, मतदान ओळखपत्र बघितल्यानंतर ग्रामसभेसाठी प्रवेश दिला जात होता. या ग्रामसभेस गावातील २२२९ ग्रामस्थ उपस्थित होते. महिलांची उपस्थिती लक्षणीय होती. ग्रामसभेच्या अध्यक्षस्थानी सरपंच उमेश पाटील होते. प्रारंभी ग्रामविकास अधिकारी सुनील कोरे यांनी मागील सभेचे इतिवृत्त वाचन केले. जिल्हा परिषदेकडून आलेल्या पत्राचे वाचन केले.
डॉ. बाबासाहेब आंबेडकर यांच्या स्वागत कमानीबद्दल ठराव घेण्यात आला. यावेळी बहुसंख्य ग्रामस्थांनी गावामध्ये कोणत्याही महापुरुषांची कमान नको, मुलांसाठी वाचनालय करा असा ठराव बहुमताने ग्रामसभेत मंजूर केला. यावेळी इतर विषयांवर चर्चा करण्यात आली. स्वागत कमान बांधण्याऐवजी गावांमध्ये अत्याधुनिक असे सुसज्ज वाचनालय उभे करण्याचा ठराव यावेळी बहुमताने मंजूर करण्यात आला. कोणताही अनुचित प्रकार घडू नये म्हणून मोठा पोलिस बंदोबस्त तैनात करण्यात आला होता.
सन २००२ पासून ते मार्च २०२३ अखेर पर्यंत स्वागत कमानीबाबत घेण्यात आलेले सर्व निर्णय रद्द करण्याचा ठराव यावेळी बहुमताने मजूर करण्यात आला. यावेळी विस्तार अधिकारी सदाशिव मगदूम, तलाठी मनोहर माळी, सहाय्यक गटविकास अधिकारी ज्ञानदेव मडके, पोलिस निरीक्षक संजीव झाडे, वाहतूक निरीक्षक प्रमुख भगवान पालवे व गणेश कोकाटे, रवींद्र भापकर तसेच सरपंच उपसरपंच व सर्व सदस्य तसेच सर्व गटाचे नेते मंडळी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
