अरेरे...बालिका बादलीत बुडाली

सातारा : सोनगाव (ता. सातारा) येथे खेळता- खेळता पाण्याने भरलेल्या बादलीत पडल्याने वीटभट्टी कामगाराच्या तीन वर्षांच्या बालिकेचा मृत्यू झाला. चिनू यल्लाप्पा दोडमणी (वय 3, रा. ओवीअळी, ता. मुद्याहाळ. जि. विजापूर) असे मृत बालिकेचे नाव आहे.
 
पोलिसांनी दिलेल्या माहितीनुसार, चिनूचे वडील यल्लापा दोडमणी हे वीटभट्टी कामगार आहेत. दर वर्षी ते पत्नीसबोत वीटभट्टीवर काम करण्यासाठी सोनगाव येथे येतात. या वर्षी पावसाळा लांबल्यामुळे महिनाभरापूर्वीच ते कुटुंबीयासोबत सोनगाव येथे आले होते. त्यांच्यासोबत चिनूही होती. यल्लापा हे घरात जेवण करत होते. त्या वेळी पत्नी यल्लामा या झोपडीसमोर कपडे धूत होत्या. कपडे धूऊन झाल्यानंतर त्या वीटभट्टीवर काम करण्यासाठी गेल्या. त्या वेळी त्यांच्याकडून बादलीमध्ये पाणी तसेच राहिले होते.

खेळत- खेळत चिनू ही बादलीजवळ आली. बादलीतील पाण्यात हात घालून ती खेळत असताना तोल जाऊन ती बादलीत पडली. तोंड खाली आणि पाय वर अशा अवस्थेत ती होती. प्रयत्न करूनही तिला बादलीतून सरळ होता आले नाही. बराच वेळ ती तशाच अवस्थेत बादलीत होती. ही बाब कोणाच्याही निदर्शनास आला नाही. काही वेळाने जेवण करून यल्लापा हे झोपडीतून बाहेर आले. त्या वेळी चिनूचे पाय बादलीतून वर दिसले. त्यांनी तिला बाहेर काढले; परंतु ती बेशुद्ध पडली होती. त्यांनी तिला मोटारसायकलवरून उपचारासाठी जिल्हा रुग्णालयात आणले. मात्र, उपचारापूर्वीच तिचा मृत्यू झाल्याचे वैद्यकीय अधिकाऱ्यांनी सांगितले. 

हेही वाचा - Video : उदयनराजे सध्या काय करतात...

नक्की वाचा - मंत्री,खासदारांच्या मागे-पुढे करत ते लाटत असत लाखाे रुपये 

जरुर वाचा - ...म्हणून महाबळेश्‍वरातूनच मुख्यमंत्र्यांनी फिरवली सूत्रे